• INDUSTRIA-TURISMOA
Euskadiko industria-turismoaren ibilbidea aurkeztu da Berlinen
" Basquetour-eko zuzendari Harkaitz Millanek, ERIH Industria-ondarearen Sare Europarraren Urteroko Konferentzian parte hartzen dihardu
Basquetour-eko zuzendari Harkaitz Millanek parte hartzen dihardu egunotan Berlinen ospatzen ari den EIRH-Industria-ondarearen Sare Europarraren Urteroko Konferentzian.
Atzo EIRH-ren Bilera Orokorrarekin hasi eta bihar, ostirala, bukatuko den Konferentzian Europako industria-turismoaren ordezkari ezberdinek hitzegingo dute, besteak beste, turismo-produktu honen paperaz Berlingo marketin turistikoan; industria-ibilbide kulturala, bizikletaz, Ruhr eskualdean barrena; edota industria-ondarea gune ederretarako eskaintza gisa. Gainera, sareko presidente Meinrad Maria Grewenigwek atzotik ERIH barruan dagoen 33 baliabideko Euskadiko ibilbidea aurkeztu zuen.
Arratsaldean, mahai-inguru ezberdinetan, turismo-produktu eta eskaintza berriei eta helmugaren kudeatzaile eta bidaia-agentziekin lankidetzari buruz eztabaidatuko da.
Ondoren, coworking ekitaldi bat ospatuko da “Ampligier” eraikinean, AEG-ren hiri-lantegian, 1895 eta 1912 bitartean eraikia eta arkitekto alemaniar ezberdinek diseinatua.
Bihar, ostirala, bukatzeko, parte-hartzaileek Alemaniako industria-ondarearen baliabideak bisitatuko dituzte.
