• EKITALDIAK: LGTBI+
Basquetour "Bilbao Bizkaia Harro" ospakizunarekin kolaborazioan
Basquetourrek aniztasunarekin eta LGTBI+ eskubideekin duen konpromisoa berresten du, berriro ere LGTBI+ pertsonen aldeko aniztasun sexual-afektiboa eta herritarren elkartasuna ospatzen dituen "Bilbao Bizkaia Harro" ekitaldiarekin lankidetzan. Ekitaldia ekainaren 14tik 23ra bitartean egiten ari da hainbat udalerritan, besteak beste, Derion, Santurtzin, Sodupe-Gueñesen, Getxon eta Bilbon.
Daniel Solana Basquetourreko zuzendariak Bilbao Bizkaia Harro 2024 jaialdiaren programazioaren aurkezpenean parte hartu zuen. Programa honek harrotasuna eta aniztasuna ospatzeko hainbat ekitaldi eta jarduera eskaintzen ditu:
- HARROmusic, kontzertuak eta musika
- HARROfun, aerobik eta swing klaseekin, LGBTI giza banderarekin, nagusientzako jokoekin, batukadekin, eta jada tradizionala den Ur Parade, itsasontzien desfilea itsasadarrean
- HARROkids: tailerrak, showak eta haurrentzako jolasak
- HARROscience, LGBTIri buruzko jardunaldiak kirolean eta Harrotasuna zientzian.
- HARROculture, film laburrekin, bisita gidatuekin, antzerki
- HARRObasque, bertso saioak, herri kiroletako gynkanak takoiekin, txakolin-dastatzeak, kalejirak, datza, arrauna eta abar.
Xehetasun eta eguneratze gehiagorako, Bilbao Harro Pride 2024 ekitaldiaren orrialde ofiziala bisitatu daiteke.
Euskadiko LGTBI+ segmentuari buruzko beste jarduera aipagarri batzuen artean, Basquetourrek Euskadiko 60 enpresa ingururekin egin du lan "Hospitality meets diversity" programaren bidez ziurtatzeko, aniztasunaren, errespetuaren eta inklusioaren ikuspegitik zerbitzuak kudeatzeko prestakuntza integrala jaso ondoren. Ahalegin hori bat dator Euskadiko Turismoaren Kode Etikoarekin, eta sustapen-politika inklusiboa ezartzea ahalbidetu du. Gainera, Espainiako LGTBI+ komunitatearentzako 10 helmugarik atseginenetako bat da Euskadi, Hosteltur aldizkariaren arabera. Lehen aldiz, Euskadik IGLTA 2024 Konbentzio Globalean parte hartuko du Osakan (Japonia), mundu mailan LGTBI+ turismorako funtsezkoa den ekitaldian, urriaren 23tik 26ra bitartean, eta "Osaka Pride" rekin bat egingo du urriaren 26an eta 27an.
