• BERRIKUNTZA
Donostia, 2023ko Turismo Adimendunaren Europako Hiriburua izateko finalista
Europako Batzordeak hil honetan ezagutarazi ditu 7 hiri finalistak
Europako Batzordeak Turismo Adimendunaren Europako Hiriburua 2023 lehiaketako 7 hiri finalisten berri eman du: Danimarkako Aarhus, Zipreko Pafos, Portugaleko Porto, Kroaziako Zagreb eta Estatu espainiarrean, Donostia, Gijón eta Sevilla.
Europako Parlamentuak proposatutako prestaketa-ekintza baten emaitza da Turismo Adimendunaren Europako Hiriburua. Europako Batzordearen Barne Merkatuaren, Industriaren, Ekintzailetzaren eta ETEen Zuzendaritza Nagusiak kudeatzen du, eta COSME programaren babesa du.
7 hiri horiek Europako 13 herrialdetako 29 hiriren artean hautatu dira Europako helmuga turistikoetan turismo adimendunaren praktiketan erreferente gisa.
Hautaketa irisgarritasunean, digitalizazioan, jasangarritasunean eta kultura-ondarean eta sormenean independenteak diren adituen panel baten bidez egin da, kategoria indibidual bakoitzean jarduera onena zein hirik duten zehazten duena.
Hurrengo urrats gisa, aurrez hautatutako 7 hiriek Turismo Adimendunaren Europako Hiriburuen 2023ko Epaimahaiaren aurrean aurkeztuko dituzte beren hautagaitzak, eta horrek Turismo Adimendunaren Europako 2 Hiriburuak (2023) aukeratuko ditu.
2023ko Turismo Adimendunaren Europako Hiriburuaren tituluaren irabazleek komunikazioan eta markan laguntza jasoko dute, komunikabideetan eta on-line beren helmuga sustatzeko, beren hiriko erdigunerako eskultura bat, beren helmuga eta turismo adimendunaren praktikak irudikatzen dituen sustapen-bideo bat, besteak beste.
Sorte on Donostia!
