BASQUETOUR

Euskadik arrakastaz itxi du parte-hartzea IBTM World 2024 azokan, azaroaren 19tik 21era Bartzelonan ospatu dena, MICE sektorean (Meetings, Incentives, Conferences and Exhibitions) erreferentziazko helmuga gisa sendotuz. Euskal standak, bilerak errazteko diseinatua, jarduera bizia izan zuen ekitaldiko hiru egunetan zehar. 

Euskadiko ordezkaritza, enpresa eta erakunde garrantzitsuz osatua, dinamismoagatik eta erakargarritasunagatik nabarmendu zen, eta 1.000 bilera baino gehiago egitea lortu zuen. Bertan, negozio-aukerak esploratu eta nazioarteko harremanak indartu ziren. Basquetourrek, Euskadiko Turismo Agentziak, 40 bilera egin zituen 18 herrialdetako eragileekin, besteak beste, Ameriketako Estatu Batuak, Txina, India, Finlandia, Alemania, Erresuma Batua, Frantzia, Qatar eta Argentina. 

Standak, lanerako eremu zabala eta euskal hiriburu nagusiei (Bilbo, Donostia eta Gasteiz) eta Errioxa Arabarrari eskainitako lau erakusmahai tematiko biltzen zituen, eta bere funtzionaltasunagatik eta networking-a errazteko diseinuagatik nabarmendu zen. Honek, 12.000 profesionaletik gorako ikusleen arreta erakarri zuen, 2.500 erakusle internazional bildu zituen ekitaldi batean. 

IBTM World 2024k Euskadiren posizioa berretsi du bilerak eta ekitaldiak egiteko turismoaren arloan helmuga lehiakor eta moldakor gisa. Ekitaldian egindako jarduerak, Euskadi turismo MICErako helmuga pribilegiatu gisa sustatzeko apustua indartzen du, bere azpiegitura modernoari, kultura bereziari eta jasangarritasunarekiko konpromisoari esker.