BASQUETOUR

Turismo, Merkataritza eta Kontsumoko sailburu Sonia Pérez Ezquerrak, e-Mugikortasuna foroa inauguratu du gaur hauekin batera: Alfonso Gil, Bilboko Udaleko alkateordea, Mugikortasuna eta Jasangarritasuna Saileko zinegotzia; Iñigo Ansola, EEEko zuzendari nagusia; Miguel Ángel Gómez Viar, Bizkaiko Foru Aldundiko Garraioak eta Mugikortasun Jasangarria Sustatzeko saileko diputatua, eta Elena Moreno, Eusko Jaurlaritzako Ingurumeneko sailburuordea.

Sailburuak azaldu duenez, Hirigune bezalako programei esker, Euskadiko udalekin lankidetzan urtero heltzen diete ekintzei, berekin ekartzen dituztenei “aldaketak gure herri eta hirietako mugikortasunean gertuko merkataritzarako adeitsuagoak diren eremu urbanoak sortuta”.

Turismoaren arloan gogora ekarri du mundu osoan duela hazkunde-horizonte bat, muga bat ezartzetik urrun dagoena. Erronkak inposatzen ditu horrek, berehala heldu behar zaizkienak eta "jasangarritasunetik eta instituzioen eta enpresen gobernantza partekatutik gauzatu beharrekoak”.

“Euskadin, sektorean aplikatutako jardunbide egokien programa bat lantzen dugu horretarako. Euskadiko Turismoaren Kode Etikoa da, konpromiso bat jasotzen duena ingurumen-jasangarritasunaren alde, ekintza zehatzekin; bereziki, administrazioen eta enpresen aldetik desestazionalizazioa eta turismoaren mugimenduen dezentralizazioa bultzatuta, eta ekoturismoa eta ondare naturala eta ekosistemak errespetatzen dituen turismoa sustatuta”.

Horrekin lotuta, Turismo Sailak apustu egiten du foroan ponentzia baten bidez xehetasunez aurkezten dena bezalako produktuen alde. Touring turismoaren proiektua da “The Basque Route”, eta bideak eta ibilbideak eskaintzen ditu Euskaditik helburu hauekin: turismo-fluxuak banatzea, baliabide turistikoak ezagutzera ematen laguntzea eta turismoaren desestazionalizazioa bultzatzea.

Aurten, EEEren eskutik gainera, aurreratu du Sonia Pérez Ezquerrak, “gure asmoa da produktu honek aldaketa handi bat berekin ekartzea ekuazioari auto elektrikoa gehitzean”.