BASQUETOUR

Orain hilabete batzuk, Vitoria-Gasteiz lanean ari da Espainiako Ekoturismo Klubean sartzeko prozesuan, ekoturismoaren lehen hiri helmuga gisa.

Prozesu hori Basquetourrek bultzatzen du; izan ere, Turismoaren Euskal Agentziak, Espainiako Ekoturismo Elkarteko bazkidea da 2017. urteaz geroztik, eta euskal lurraldean ekoturismoa sustatzeko ibilbide-orria zabaltzen ari da. Ibilbide-orri horrek hainbat ekintza biltzen ditu:

1.- Kudeaketa-ekintzak, hala nola Euskadiko Ekoturismo Sarea abian jartzea. Sare horretako kide da Ataria, Salburuako hezeguneen interpretazio-zentroa, 2017an eratu zenetik. Hauek dira sareko kideak: IHOBE, Ekoetxearen sarearen kudeatzaile gisa; Urdaibaiko Erreserbaren Patronatua; Geogarapen -Euskal Kostaldea-; EAEko hiru aldundiak, parke naturalen kudeatzaile gisa; Andoaingo Udala, Leitzarango Biotopo Babestuaren bisitari-zentroaren kudeatzaile gisa; Añanako Gatz Harana eta Ataria. Sarean daude, halaber, lurralde historikoen ordezkari diren hiru eskualde eta Nekatur, Aktiba eta ATRAE OPC enpresa-elkarteak.

2.- Sektore turistikoari zuzendutako prestakuntza- eta dibulgazio-ekintzak, hala nola Euskadiko Ekoturismoaren Foroa abian jartzea. Foro horren egoitza iraunkorra Vitoria-Gasteiz da duela 5 urtetik.

3.- Sustapen-ekintzak, hala nola ekoturismoaren segmentuaren inguruko hainbat gida eta material egitea.

Basquetourrek abian jarritako ekintzen artean dago, halaber, ekoturismoan garapen potentziala duten Euskadiko helmuga eta elkarteei Espainiako Ekoturismo Elkartean eta Klubean integratzea erraztea eta sustatzea. Gaur egun, Euskadiko bi helmuga daude Klubari lotuta: Euskal Kostaldeko Geoparkea, Urdaibaiko Erreserba. Eta hirugarren bat, prozesuan: Vitoria-Gasteiz. Baita, bi enpresa-elkarte: Nekatur eta Aktiba, eta 51 enpresa.

Vitoria-Gasteiz Klubean integratutako ekoturismo-helmuga izateko lehen urratsa dagoeneko lortu da, Salburuako Hezegunearen Natura 2000 Sarean jasangarritasun turistikoa aintzatesteari esker. Jasangarritasun hori 2022ko irailaren 2an eman zen: Salburua (ES2110014) Kontserbazio Bereziko Eremua eta Hegaztientzako Babes Bereziko Eremua.

Hurrengo urratsa zerbitzu turistikoetako enpresak proiektuan integratzea izango da, horiek beren jarduera bisitarien eta turisten profil horren eskaeretara bideratu ahal izan dezaten. Horregatik, gaur, azaroaren 15ean, asteartea, Europako Kongresu Jauregian, proiektuarekiko interesa agertu duten enpresentzako prestakuntza-saio bat egingo da.

Espero da datozen hilabeteetan Gasteiz Estatuko hiri-ekoturismoaren lehen helmuga gisa finkatzea.