BASQUETOUR

Euskadi Basque Countryk Alemaniako merkatutik etorritako ezagutza-bidaia baten parte hartu zuten hilaren hasieran. ADAC Reisen Alemaniako agentzia ospetsuko 10 profesionalek eta FVW Travel Talk hedabideko kazetari batek, Frankfurteko Espainiako Turismo Bulegoko ordezkari batekin batera, gure lurraldeko erakargarri turistiko ospetsuenetako batzuk zeharkatu zituzten, helmuga turistikoa hurbilagotik ezagutzeko eta epe labur/ertainean beren eskaintza turistikoaren barruan programatu ahal izateko.

Sektoreko 12 profesional horiek alokairuko lau ibilgailutan bidaiatu zuten esperientzia beren kabuz bizitzeko helburuarekin, baina ibilgailu bakoitzak aldez aurretik adostutako bidaia-programa bat izan zuen, agenteek eta kazetariek helmugaren txoko eta esperientzia desberdinak ezagutzeko aukera izan zezaten.

Oso bidaia desberdina izan zen; izan ere, tokiko bi turismo-gidari izan arren, parte hartu zuten guztiek gure errepideetan zehar gidatzeko aukera izan zuten, eta, horrela, esperientzia lehen pertsonan sentitu zuten.