Euskadiko workshop-ak Vigon eta Porton
CEAV PROTOUR 2025 programaren barruan, eta Madrilen Espainiako eta Portugalgo merkatuetan urte osorako programatutako lehen lan-jardunaldia egin ondoren, Basquetourrek hil honen 2an eta 3an parte hartu zuen bi hirietan egindako saioetan.
Penintsula eta Kanariar Uharteetako workshop-en bira honen helburua da Euskadiko eskaintza turistikoa Espainiako eta Portugalgo merkatuetako turoperadoreei hurbiltzea, helmuga eta produktu turistikoak sustatzea eta merkaturatzen laguntzea.
CEAVek (Bidaia-agentzien Espainiako Konfederazioa) CEAV PROTOUR izeneko ekintza komertzial hau antolatzen du. Workshop-ak antolatzean datza, Estatuko hainbat hiritan eta edizio batzuetan, aurten bezala, Portugalen ere dituen bere agentzia elkartuak deituz.
Edizio honetan, programa honen barruan, Euskadi Madrilera, Vigora eta Portora ez ezik, Kanaria Handira, Tenerifera, Sevillara eta Malagara ere joango da.
Vigoko eta Portoko workshop-etan Galiziako 110 bidaia-agente eta Portugalgo 95 agente izan dira. Porto hiri interesgarria da Euskadi Basque Country helmuga sustatzeko, gaur egun zuzeneko konexioak baititugu Vueling eta Volotearekin.
Basquetour-ek hitzarmen bat du urtero CEAVrekin, workshop eta networking saio horietan parte hartzeko 2022tik, bi merkatu horietan bere irudia indartzeko eta helmugaren eta bidaia-agentzien segmentuaren arteko harremana sendotzeko.
