• SUSTAPEN ETA MERKATURATZE TURISTIKOA
Basquetour, hirugarren urtez jarraian "Nordic Roadshow"-en, turismo nordikoa Euskadira erakartzeko
Hirugarren urtez jarraian, Basquetour, Euskal Turismoaren Agentzia, Aviareps-ek antolatutako "Nordic Roadshow"-ean parte hartzen ari da. Ekitaldi ibiltari honek nazioarteko helmugak eta turismoaren sektoreko eragile nagusiak konektatzen ditu herrialde nordikoetan.
Roadshow honek plataforma garrantzitsua eskaintzen die helmugei, bidai-agentziei, operadoreei eta komunikabideei sektoreko berrikuntzak, joerak eta lankidetza-aukerak elkartrukatzeko.
Aurten, “Nordic Roadshow” hau lau hiri nordikotan ospatzen da, honako data hauekin:
- Azaroaren 11n, Stockholmo
- Azaroaren 12an, Helsinki
- Azaroaren 13an, Oslo
- Azaroaren 14an, Kopenhage
Egunero, Basquetourrek 40 bat hitzordu izango ditu bidai-agentzia, turismo-operadore eta komunikabideekin, harremanak sendotuz eta Euskadiren erakargarritasun bereziak aurkeztuz.
Publiko nordikoak gehien eskatzen dituen produktuen artean nabarmentzen dira euskal kultura, paisaiak, golf-esperientziak, gastronomia eta ardoak, bisitariei benetako eta kalitatezko murgilketa bat eskainiz.
“Nordic Roadshow”-ak 150 turismo-profesional baino gehiagorekin zuzeneko interakzioa ahalbidetzen du, eta Euskadi, helmuga erakargarri gisa posizionatzeko eta merkatu nordikoan bere presentzia sendotzeko aukera eskaintzen du.
