• SUSTAPEN ETA MERKATURATZE TURISTIKOA
Basquetourrek Euskadi helmuga merkaturatuko du Miamin
Atzotik hasi eta apirilaren 1era arte, EE.BBetako bidaia-eragilerekin eta turoperatzailerekin bilduko da.
Basquetourrek atzotik hasi eta 3 egunetan, Turespañak antolatutako sustapen eta merkaturatze-jardunaldietan parte hartuko du Miamin.
Euskadiz gain, jardunaldietan Estatuko beste helmuga batzuk ere egongo dira, hain zuzen ere, premium, kultura, gastronomia edo erosketen turismoa lantzen dutenak; Turespañak, aipatutako produktuen arabera, aukeratutako 60 bidaia-eragilerekin eta turoperatzailerekin bilduko dira.
Jardunaldiak atzo hasi ziren merkatu estatu batuarrari buruzko aurkezpen batekin, USAn dauden OET-etako zuzendarien eskutik, eta gaur eta bihar lan-bilerak, workshop formatoan, eta helmuga ezberdinei buruzko aurkezpenak egongo dira, besteak beste, Euskadi-Basque Country-ri buruzkoa.
