• DTI
Basquetourrek lau Helmuga Turistiko Adimendun sustatu ditu Euskadin
Basquetourrek, 2018tik euskal helmuga turistikoak adimendun bihurtzeko ardura duen erakunde publikoak, DTI prozesuaren hasierako fasea amaitu du Euskadin lau helmuga berri izateko: Enkarterri+Meatzaldea eta Portugalete Bizkaian, Debabarrena Gipuzkoan eta Arabako Lautada Araban.
Prozesu horrek teknologia berriak eta berrikuntza txertatzen ditu jasangarritasunaren eta irisgarritasunaren zerbitzura, eta Euskal Turismoaren 2030erako Estrategiaren parte da.
Helmuga bakoitzean bildutako informazioaren berrikuspena eta homogeneizazioa amaitu ondoren (dagozkion DTI lan-mahaiek egindakoa), Basquetour baliozkotze-prozesuan dago SEGITTUR Espainiako Turismoko Estatu Idazkaritzaren aldetik. SEGITTURek baliozkotu ondoren, Basquetourrek behin betiko diagnostikoa eta ekintza-plana idatziko ditu helmuga bakoitzerako, eta, horren amaieran, turismo-helmuga adimenduna izendatuko du ofizialki.
Aurrerapen horrek indartu egiten du Euskadiren konpromisoa bikaintasuneko helmuga espezializatu eta iraunkor gisa finkatzeko, eta gobernantza eraginkorra, gardena eta parte-hartzailea bultzatzen du turismo-prozesu guztietan.
