• DTI
Basquetourrek Turismo Iraunkorraren Europako Sarearen Batzar Nagusian parte hartu du
Gaur, Frankfurten, ECOTRANSen, Turismo Jasangarriaren Europako Sarearen Batzar Nagusia ospatu da, formatu hibridoan. Ekitaldiak sektoreko eragile nagusiak bildu ditu, Berlinen sortutako sare honen etorkizunaz eztabaidatzeko.
Jardunaldian, urteko jardueren eta datu finantzarioen txostenak aurkeztu dira, eta zuzendaritza batzordea aukeratu da.
Parte-hartzaileen artean Basquetour, Euskadiko Turismo Agentzia, egon da. Basquetourrek foro honetan Helmuga Turistiko Adimendunen (DTI) estrategian egindako aurrerapenak partekatu ditu. Bere hitzaldian, DTI proiektu bereizgarriaren uneko datuak etahasitako ziurtapen-proiektu pilotuaren aurrerapenak aurkeztu ditu.
Halaber, Enpresa Turistiko Adimendunen (ETI) arau berriaren ezarpenaren inguruan duen papera nabarmendu du, DTI programa osatzeko eta Euskadiko turismoaren jasangarritasuna eta digitalizazioa indartzeko ekimen giltzarria.
Nazioarteko topaketa honek Basquetourri eta ECOTRANSeko gainerako kideei euren ekimenak ikusgai jartzeko eta turismo jasangarri eta berritzailearekiko konpromisoa indartzeko aukera eskaini die Europa mailan.
