• SUSTAPEN ETA MERKATURATZE TURISTIKOA
"España Verde" marka turistikoak Kantauriko helmugak New Yorkera eraman ditu, "Norte Diem" ekintza gastronomiko-kulturalaren bidez
Astearte honetan, esperientzia artistiko-gastronomikoaren edizio berri bat egin zen, Euskadiren parte-hartzearekin. Horrela, Euskadik Ipar Amerikako merkatuan erreferentziazko helmuga turistiko gisa duen posizionamendua sendotzen jarraitzen du.
New Yorken egindako ekitaldi batean, España Verde marka turistikoak Norte Diem ekimenaren edizio berri bat aurkeztu zuen atzo arratsaldean. Ekimen hori esperientzia artistiko-gastronomiko bat da, marka osatzen duten Kantauriko lau erkidegoen eskaintza turistikoa zentzu guztiekin bizitzera gonbidatzen duena. Ekitaldi honekin Euskadiko, Kantabriako, Asturiaseko eta Galiziako aberastasun kulturala, natura eta gastronomia aurkeztu dira nazioartean.
Gaueko ekitaldiak artea, gastronomia, turismoa eta istorioen kontaketak uztartu zituen. Komunikabide garrantzitsuenei, sektore turistikoko eragile nagusiei, kultur bazkideei eta gonbidatu bereziei zuzendutako gala afarian bidaia multisensoriala eskaini zitzaien.
Sidra Smithek aurkeztuta, afari murgiltzaileak Kantauri itsasoko eskualdeen nortasun propioa azpimarratu zuen, hautatutako gastronomia proposamenen, aurkezpen artistikoen eta turismo-ordezkarien gogoeta pertsonalen bitartez.
