• TURISMO-SUSTAPENA ETA KONEKTIBITATEA
Euskadi Kanarietan aurkezten da
" Uharteetako 200 bat bidaia-eragile parte hartzen ari dira, atzo eta gaur, Tenerife eta Kanaria Handia Euskadirekin konektatzen duen Binter airelineak antolatutako konektibitateari buruzko lan-jardunaldietan. " Eusko Jaurlaritzaren Turismo sailaren agentzia den Basquetourrekin batera, jardunaldiotan VIA-Gasteizko aireportuaren Sustapenaren, Arabako Foru Aldundiaren, Gasteizko Udalaren, ATRAE-Agencias turísticas receptivas asociadas de Euskadi elkartearen eta GAURSA rent a car zerbitzu-enpresaren lankidetza izan da.
Atzo gauean Euskadi helmuga eta bere eskaintza turistikoaren aurkezpena egin zen Tenerifeko Santa Cruz Museoan, Kanariar Uharteetan. Eta gaur Las Palmaseko Cordial Malteses hotelean errepikatuko da. Bi kasuetan, Kanariar Uharteetako ehun bat bidaia-agenteren aurrean eta uharteak Euskadirekin lotzen dituen Binter airelineak antolatutako jardunaldietan izango da. Izan ere, gaur egun, Teneriferen eta Kanaria Handiaren eta Gasteizko aireportuaren arteko loturak daude (astean bi maiztasun), eta badirudi laster Donostiako aireportuarekin ere lotura egongo dela.
Basquetourrek egiten dituen Euskadiko aurkezpenetan, helmugaren eskaintzaz gain, ATRAEko kide diren Euskadiko turismo-agentzia hartzaileek ematen dituzten zerbitzuei buruzko ikus-entzunezko bat barne, Arabako turismo-esperientziak zozketatzen dira bertan dauden bidaia-agenteen artean. Nabarmentzekoak da VIA-Gasteizko aireportuaren sustapena, Arabako Foru Aldundia, Gasteizko Udala, ATRAE-Euskadiko turismo-agentzia hartzaileak eta GAURSA-rent-a car zerbitzuen enpresaren lankidetza.
Jardunaldietan Kantabriak eta Nafarroak ere parte hartzen dute; izan ere, Binterrek loturak ditu bere hiriburuekin, eta, horri esker, turista kanariarra hiru helmugetatik mugitu daiteke, hurbilekoak eta osagarriak baitira alderdi askotan.
