• SUSTAPEN TURISTIKOA
Euskadi Vigon sustatzen ari da
Eusko Jaurlaritzak informazio turistikoko puntu bat izango du O Marisquiño hiriko kulturaren jaialdian.
Galizia, eta zehatzago Vigo hiria, O Marisquiño hiriko kulturaren jaialdia ospatzen ari da egunotan, 12tik 14ra bitartean, pandemiaren ondoren kalera itzultzi dena.
Doako jaialdi handi bat, aire zabalekoa, hiru egunez hamar kirol-lehiaketa baino gehiago biltzen dituena, bai eta hainbat kultura-ekitaldi ere, eta, edizio bakoitzean, 160.000 pertsona baino gehiago hartzen dituena, lehiaketez, erakustaldiez, kontzertuez, gastronomiaz eta jai-giroaz gozatzeko.
Esparru horretan, Eusko Jaurlaritzak Euskadi sustatzea erabaki du, turismo-eskaintza orokorrari, Euskal Kostaldeari, familia-turismoari, naturari, The Basque Route produktuari eta errepide-mapei buruzko materiala eskaintzeko informazio turistikoko gune batekin.
Galiziako merkatuak turisten 62.346 sarrera (guztizkoaren % 3,6) eta 148.304 gaualdi (guztizkoaren % 4,1) ekarri zituen 2021ean.
