• GOLF
Euskadik golf turismoaren aldeko apustua indartzen du 2025erako ekintza berriekin
Golf zelaietako gerenteek, turismo agentziek eta Euskal Golf Federazioak parte hartu zuten bileran, eta nazioarte mailan Euskadi golf turismoa helmuga gako gisa kokatzeko segmentu honen garrantzia azpimarratu zen.
Basque Golf Network izeneko lan taldeak atzo egin zuen bilera Meaztegi Golf-en (Ortuella), 2024an egindako jarduera baloratzeko eta 2025ean gauzatu nahi diren ekintzen plana aurreratzeko helburuarekin.
Bileran parte hartu zuten zazpi golf zelaietako gerenteek, hiru bidai agentziek eta Euskal Golf Federazioko ordezkariek.
2025erako proposatutako ekintzen artean honakoak aurreikusten dira: turismo feria espezializatuetan parte hartzea, nazioarteko bidai agentzientzat familiarizazio bidaia antolatzea, produktuaren sustapen kanpaina espezifikoa komunikabideetan eta produktuari buruzko ikus-entzunezko pieza bat ekoiztea, besteak beste.
Azkenik, Euskadik golf turismoarekiko duen erakargarritasuna erabiltzearen garrantzia nabarmendu zen, turismo mota hau gure lurraldean bultzatzeko lankidetza eta elkarlanari dagokionez. Helmuga hau segmentu honetan nabarmentzen jarraitu nahi dela argi geratu zen, eta 2024an lortutako lan sendotuarekin jarraitzeko beharrezkoa den konpromisoa azpimarratu zen
