• HELMUGA TURISTIKO ADIMENDUNAK
Euskadiko turismo helmuga adimendunen hedapena: aurrerapenak eta hurrengo urratsak
Euskadin, 11 turismo helmuga adimentsu (DTI) bultzatu ditu Basquetour-ek, eta 2023ko udazkenetik, beste 4 ari dira garatzen. Horien artean daude Bizkaiko Enkarterri-Meatzaldea eta Portugalete, Gipuzkoako Debabarrena eta Arabako Lautada.
Euskadiko turismo-helmugetan ezarritako DTI metodologia Turismoko Estatu Idazkaritzaren eskutik sortu zen, SEGITTUR erakundearen bidez, estatu mailako kudeatzaile eta bultzatzaile gisa jarduten duena. Euskadin, Basquetour da erakunde publikoa gisa ekimen horren buru 2018az geroztik. Helburua hazkunde iraunkorra sustatzea da, Euskadi bikaintasuneko eta espezializazioko destino gisa finkatzeko, 2030eko Euskal Turismo Estrategian jasotzen den bezala. Jasangarritasuna eta irisgarritasuna sustatzeko teknologien eta berrikuntzaren integrazioan oinarritzen da metodologia hori, eraginkortasuna, gardentasuna eta parte-hartzea bilatuz.
Apirilaren amaieran, lau helmugetan datuak atera eta ebidentziak bildu ziren DTI lan-mahaien bidez. Udaran informazioa berrikusi eta homogeneizatu egingo du Basquetour-ek, eta, ondoren, helmuga bakoitzaren azterketa eta diagnostikoa egingo ditu. Prozesuak udazkenean baliozkotzea espero da, SEGITTURen eskutik.
