• MERKATURATZE TURISTIKOA
Gaur hasi da Valentzian CEAV PROTOUR-en II. edizioa
Aurten, workshop-ak Espainiako 7 hiritan ospatuko dira eta Euskadiren partaidetza ere izango dute
Ekintzaren helburua, Basquetourrentzako Euskadiren irudia indartzea eta bidaia-agentziekin harremana finkatzea da
Gaur hasiko da Valentzian CEAV PROTOUR-em II, edizioa, turismoaren profesionalei zuzenduta, CEAV-(Espainiako Bidaia Agentzien Konfederazioak- antolatuta; izatez Estatuko zazpi hirietan zeharko tour bat da eta Euskadik beste behin parte hartuko du penintsulan helmugaren irudia bultzatzeko eta turismoaren balore-katean ezinbestekoak diren bidaia-agentziekin harremanak finkatzeko helburuarekin.
Valentziaz gain, bihar antzeko ekitaldi bat ospatuko da Alacanten eta hilaren 15 eta 16an, Tenerifen eta Kanaria Handian. Madril, A Coruña eta Valladolid izango dira aurtengo ibilaldia osotuko dutenak, 50 helmuga, aire-konpainia, hotel-kate eta sektoreko enpresetako 200 profesionaletik gora bidaia-agentziekin bilduko diren beste horrenbeste worshop-etan. Lan jardunaldi hauek networking-erako eta aurrez-aurreko topaketetarako ezinbesteko aukerak dira eta aurten, bilerak arintzeko nobedadeak sartu dira.
