• KONEKTIBITATEA
Influencer hungariarrak Euskadi bisitatu du Bilbo eta Budapest arteako aire-ibilbide berria sustatuz
Vuelingek ibilbide berri bat abiaraziko du Bilbo eta Budapest artean, abenduaren 5etik urtarrilaren 1era bitartean, astean behin edo bitan. Hedapen horrekin, Vuelingek Bilborekin duen konpromisoa indartu du. Izan ere, Espainiako bigarren base garrantzitsuena du, Bartzelonaren ondoren. Guztira 32 ibilbide ditu, euskal hiria nazioarteko eta nazioko helmuga nagusiekin lotzen dutenak.
Ekainaren 25etik 29ra, Peter(https://petersplanet.travel/) Hungariako influencer ezaguna Bilbo bisitatzen ari da, Bilbo eta Budapest arteko aireko konektibitatea sustatzeko. Bidaia hau Basquetourrek antolatu du Budapesteko aireportuarekin lankidetzan, eta bi hirien eta aireportuen arteko loturak sendotzea du helburu. Proiektu pilotuak urtean zehar zerbitzu erregular bat ezartzearen bideragarritasuna ebaluatzea du helburu, eta horrek Euskadi eta Ekialdeko Europa arteko bidaia turistikoak eta negozio-bidaiak erraztea eta garapen ekonomiko eta kulturalerako aukera berriak irekitzea ekartzen du.
Egonaldian, Peter Euskadiko bere esperientziaren unerik nabarmenenak partekatzen ari da bere sare sozialen bidez. Bilbo eta inguruetara egindako bisitan, eskualdeko puntu esanguratsuenak nabarmentzen dituen ibilbide anitza du, honako hauek barne:
- Guggenheim Museoa bisitatzea Bilbon.
- Arabako Errioxako eskualdea eta bertako mahastiak esploratzea.
- Pintxo sukaldaritza klasea Donostian.
- Talasoterapia saioa Donostian.
- Getxoko Chillida Leku Museora bisita.
- Dastaketa Getxoko sagardotegi batean.
- Belaontzian paseoa ilunabarrean euskal kostaldean.
- Getariako Cristóbal Balenciaga Museora bisita.
Lankidetza horren arrakasta urrats garrantzitsua izan liteke Bilbo eta Budapest artean aireko konexio etengabea ezartzeko, bi eskualdeen arteko loturak indartuz eta kultura- eta ekonomia-trukea erraztuz.
