• FAM TRIP
Japoniako agenteak Euskadiko kultura eta paisaiak ezagutzen ari dira
2024ko urriaren 6tik 11ra, Japoniako bost bidaia-agente Euskadi bisitatzen ari dira, Basquetourrek antolatutako familiarizazio-bidaia batean, Tokioko Espainiako Turismo Bulegoarekin (OET) lankidetzan.
Bidaia honen helburua parte-hartzaileek Euskadik eskaintzen duen kalitatezko turismo-eskaintza gertutik ezagutzea da.
Esperientzia honetan parte hartzen duten agenteak hauek dira: Yuki Ogata (JTB Global Assistance, Inc.), Kenji Kunimatsu (Qualita Co., Ltd.), Yuriko Isoda (Kinki Nippon Tourist Co., Ltd.), Wakana Igarashi (Hankyu Travel International Co., Ltd.) eta Watanabe Masako (Toyota Tourist International, Inc.). Sei egunez, Euskadiko hiru lurraldeak zeharkatuko dituzte, bertako erakargarri turistiko, kultural eta gastronomiko nagusiak ezagutuz.
Euskadiko aniztasuna ezagutzen
Bisitariak, Gatz Harana eta Gasteizko Katedrala bisitatzen hasi dira, ondoren hirian bazkalduz. Errioxa Arabarrera joan dira tokiko upeltegiak bisitatzera. Hurrengo egunean, Donostia ezagutuko dute, Sagardoetxea eta San Telmo Museoa bisitatu, sagardotegi batean bazkaldu eta pintxo-afari batez gozatu. Ibilbidea Getarian jarraituko dute, Balenciaga Museoa ezagutuz eta txakolinaz gozatuko dute. Amaitzeko, Bilbon, Guggenheim Museoa, Alde Zaharra eta Ensanche bisitatuko dituzte, eta urriaren 11ko goizaldean itzuliko dira.
Bidaia honek Euskadi eta Japoniaren arteko loturak indartzen ditu, eta agenteei helmuga hobeto ezagutzeko eta gomendatzeko aukera emango die.
