Web gune honek cookieak erabiltzen ditu, propioak eta beste batzurenak. Gure cookien politikari buruz gehiago irakurri dezakezu.

  •   GASTRONOMIA

Javier Hurtado sailburuak Arabako Errioxako XI. Enoturismo Foroari hasiera eman dio

Turismo, Merkataritza eta Kontsumoko sailburu Javier Hurtadok hasiera eman dio marka sortzean eta enoturismo inklusiboan oinarritutako Arabako Errioxak antolatutako XI. Enoturismo Foroari.

Sailburuak nabarmendu duenez, “jasangarritasunak izan behar du politika publikoen oinarri izango den zutabea, kasu honetan turismoa, eta jasangarritasun hori lortzeko funtsezkoa da esperientzia turistikoa guztiek gozatu ahal izatea. Eta hori aspalditik jakin duzue lantzen Arabako Errioxan”.

Gainera, sailburuak gastronomiaren eta enoturismoaren arteko harreman estua aipatu du, “Euskal Autonomia Erkidegoko turismoaren ezaugarri gisa. Euskal Autonomia Erkidegoko behatoki turistikoaren Ibiltur 2019 azken azterketaren arabera, turistek gu bisitatzeko duten motibazio nagusia gastronomiarekin eta ardoarekin lotutakoa da, hain zuzen ere”.

Gainera, enogastronomiak bi alderdi ditu turismoa erakartzeko elementu gisa. “Alde batetik, eskaintza lehiakorrekiko bereizketa egiten du, eta, bestetik, eskaintza osagarri ezin hobea da, kalitatezkoa, aisialdiko edo negozioko beste edozein motibazio nagusi duten bisitarientzat. Eta turismo inklusiboaren osagaia gehituz, enogastronomia motibazio bihurtzen da bisitari guztientzat”, gaineratu du.

Abendua 2021

AL AR AZ OG OR LR IG
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31