BASQUETOUR

Topaketa hau Ekoturismoaren Kongresu Nazionalaren testuinguruan kokatzen da, bihar, asteartea, Zumaian hasiko den ekitaldi garrantzitsua. Gaur, lehen kontratazio mahaia (workshop-a) eta kongresura joango diren parte-hartzaileen akreditazioak hasi dira egiten. 

Agentziek ekoturismoaren inguruan erabaki sendoak hartzen ari diren hainbat helmuga bisitatzeko aukera izan dute, hala nola Urdaibaiko Biosfera Erreserba, Añanako Gatz Harana, Gasteizko hezeguneak eta Euskal Kostaldeko Geoparkea. Biodibertsitate eta paisaia bakarrez ezagunak diren leku hauek Euskadiko ekoturismo eskaintzaren esentzia dira. Bisitak bidaia agentziei eskualdearen aberastasun natural eta kulturala lehen eskutik ezagutzeko aukera eman die, eta honek, benetakotasuna eta lurraldearen konpromiso jasangarria islatzen duten bidaia paketeak sortzea erraztu du. 

Agentziek ekoturismoan espezializatutako hainbat tokiko enpresa ezagutzeko aukera ere izan dute. Enpresa hauek beren esperientziak eta zerbitzuak partekatu dituzte, jasangarritasunaren aldeko praktikak eta ingurunea errespetatzen eta ondare naturala babesten duten esperientzia turistikoak nabarmenduz. Ekitaldi hau etorkizunerako konexio eta lankidetza berriak ezartzeko aukera ezin hobea izan da, ekoturismoa garapen lokalaren motor gisa sendotuz. 

Agentzietako ordezkari batek honakoa adierazi du: "Euskadik ekoturismoari dagokionez helmuga eredugarria dela erakutsi du. Baliabide naturalen kalitateak eta tokiko enpresen jasangarritasunarekiko konpromisoak sakonki hunkitu gaituzte. Gure bezeroei esperientzia hau eskaintzeko eta turismo arduratsua sustatzeko gogotsu gaude." 

Fam Trip hau Turespaña eta Espainiako Ecoturismo Elkartearekin lankidetzan burutu da, eta Urdaibaiko Erreserba Patronatua, Valle Salado Fundazioa, Gasteizko Udaleko Turismo Saila eta Geogarapen erakundeen laguntza baliotsua izan du. Denek lagundu dute ekitaldi honen antolaketan eta arrakastan, Euskadiko ekoturismoko gune nagusietara sarbidea eta logistika erraztuz.