• KONEKTIBITATEA
Wizz Airrek Bilbo eta Erroma arteko lau hegaldi eskainiko ditu astean martxoaren 30etik aurrera
Bilboko Aireportuko Ibilbide Garapen Batzordeak jakinarazi duenez, Wizz Air Hungariako aire-konpainiak Bilbo eta Erroma arteko ibilbide berri bati ekingo dio martxoaren 30ean. Astean lau hegaldi eskainiko ditu, astelehen, asteazken, ostiral eta igandeetan, hain zuzen ere.
Ibilbide hori, negozio-bidaietarako interesgarria izateaz gain, konpainiaren arabera, 2025eko Jubileurako Erromara doazen bertoko erromesentzako bidaia-aukerak hobetuko ditu, aisialdirako eta hiri-ihesaldietarako aukera gehiago eskaintzeaz gain, bi norabideetan bidaiari-fluxu etengabea sortuz.
Estatuan, Wizz Air 2004an hasi zen operazioak egiten, eta gaur egun 95 ibilbide eskaintzen ditu herrialdeko 15 aireportutatik, bertako biztanleentzat zein bisitarientzat konektibitatea eta bidaia-aukerak hobetuz. 2024an, 38.000 hegaldi baino gehiago egin zituen aire-konpainiak merkatu honetan joan-etorriko norabideetan, eta 7 milioi bidaiari baino gehiago garraiatu zituen.
Ibilbide Batzordeari buruz
Aireportuko Ibilbide Batzordea aire-konpainien eta Euskadiko administrazioen arteko solaskidea da, aire-konpainia horiek hazten edo ezartzen laguntzeko. Bizkaiko Foru Aldundiko Garraioak, Mugikortasuna eta Turismoa Sustatzeko Sailak gidatuta, Eusko Jaurlaritza - Merkataritza eta Kontsumo Sailaren bitartez -, Bilboko Udala, Aena, Bilbao Air eta Bilboko Merkataritza Ganbera osatzen dute.
