BASQUETOUR

120 eragiletik gora parte hartu dute asteburuan Italian egindako sustapen- eta merkaturatze-jardunaldietan, eta Basquetourrek eta Euskadiko agentzia hartzaileen elkarteek, Basque DMCk eta ATRAEk parte hartu dute.

Turespañak antolatutako B2B jardunaldiak formatu ibiltarian egin dira. Lehenengoa, Venezia Mestren, Venezia eta Trevisoko aireportuetatik oso gertu, eta bigarrena, Gubbion (Umbria), Erroma eta Pisako aireportuen artean.

Bietan erantzuna oso positiboa izan da eta agente italiarren interesa kulturan, enoturismoan eta gastronomian, touringean eta naturan oinarritu da.

Aire-konektibitatea faktore erabakigarria da haientzat, eta zuzeneko ibilbideak zabaltzea espero dute, gure helmuga bezeroen artean sustatu ahal izateko.

Italiako merkatua seigarrena da nazioarteko merkatuen rankingean, Frantzia, AEB, Erresuma Batua, Alemania eta Herbehereen atzetik. 2022an guztira 77.701 turista sartu ziren Italiatik, eta 166.941 gaualdi egin zituzten. Hala ere, oraindik ez da iritsi 2019ko, zifretara azken urte honetan, bai sarreren eta bai gaualdien ehunekoek nabarmen gora egin badute ere (+% 147,3 eta +%149,3 hurrenez hurren) 2021arekin alderatuta. (Euskadiko Behatoki Turistikoa 2022).

Ibiltur 2019ko datuen arabera, Italian bizi diren turistak nabarmentzen dira kultura-jardueretan eta Euskadiko kultura eta tradizioak ezagutzeko interesean. Jarduera minoritarioen artean ere aktiboagoak dira arrisku-kirola egiten (parapentea, eskalada, etab.) eta, batez ere, Aste Nagusia bezalako jai herrikoietara joaten.

Ostatu hartzen duten lekuetan bisitatzen dituzten baliabide nagusiak Bilboko Alde Zaharra eta Guggenheim museoa dira, baita gaua igarotzen duten barnealdeko herriak ere. Irteera nagusiak kostaldeko herriak (batez ere Getxo edo Portugalete), Gaztelugatxeko San Juan eta Donostia dira.

Turista aktiboenak dira, AEBetan bizi direnekin batera. Batez beste, 8 bisita izan dituzte AEBetan.