• DTI ZIURTAGIRIA
Basquetour-ek Bilbo Turismo Helmuga Adimendun gisa ziurtatzea bultzatzen du, UNE 178501 Arauan oinarrituta
BASQUETOURek urteak daramatza SEGITTURen bidez Turismo Estatuko Idazkaritzaren bereizgarri gisa DTI Metodologiaren hedapena lideratzen eta lantzen Euskadiko Helmugen artean. Gaur egun, 11 helmuga daude bereizita, 4 prozesuaren azken fasean eta beste 5 prozesua hasi berri.
Horregatik, ziurtagiri mailara jauzi egiteko une aproposa da, ISOk adostutako egituraren bidez, helmugak ezarrita duen beste edozein kudeaketa-sistemarekin bat egitea ahalbidetuko baitu.
SEGITTURen bidez, Turismo Estatuko Idazkaritzak, Turismo Helmuga Adimendun (DTI) kontzeptuaren garapena ere bultzatu du, hiri adimendunaren kontzeptuarekin bat eginez; eta horren ondorioz, UNE 178501 eta UNE 178502 arauak argitaratu dira, non BASQUETOURek parte hartu duen lan-taldeetan, Berrikuntza Unitatearen bidez. Orain, Euskadin UNE 178501 Arauaren pilotajea egingo du lehen aldiz, Bilbo DTI ziurtagiria lortu dezan (2023ko abenduan DTI eskubide osoko helmuga gisa bereizi zen).
UNE 178501 Araua helmugen lehiakortasuna handitzeko erreferentziazko araua da, kudeaketa hobetuz eta nazio eta nazioarteko esparruan posizionamendua hobetuz. UNE 178502 Araua, lehenengoaren osagarri gisa, helmugaren bilakaeraren jarraipena egiteko eta DTI bilaketan lortutako aurrerapena ebaluatzeko modua eskaintzen du, baita helmugen arteko alderaketa egiteko ere.
Hau beste urrats bat da helmugaren bikaintasunaren eta DTI bihurtzearen bidean, helmugaren balioa handitzea dakarrelako, haren lehiakortasuna areagotuz, baliabide natural eta sozialen aprobetxamendu hobea eginez, produktu berritzaileak sortuz, zerbitzuen eraginkortasuna handituz, garapen jasangarria bultzatuz, unibertsaltasuna eta inklusioa bermatuz, baita informazio- eta komunikazio-teknologiak aplikatuz ere. Proiektua turismoaren arlotik lideratzen da, helmugaren hainbat eremuren arteko sinergiak sortuz (turismoaren sustapena, berrikuntza, teknologia berriak, hirigintza, ingurumen-kudeaketa, ondare kulturala, etab.).
Horrekin guztiarekin, bisitariaren esperientzia hobetzen laguntzen da, baita bertako bizilagunen bizi-kalitatea ere.
UNE 178501 Arauaren baldintzak betetzen diren ala ez ebaluatu eta ziurtatu daiteke. Ziurtagiriak lortutako ahaleginak eta lorpenak aitortzen ditu, baita kanpoko adituen ikuspegia ere, kudeaketa-sistemaren eraginkortasunari eta hobekuntza etengabeari lagunduz. Horregatik, BASQUETOURek Bilbo helmugan prozesu hau pilotatuko du; Euskadiko beste helmuga batzuetara ere zabaldu ahal izango da, hala eskatzen badute.
