• FORMAKUNTZA
Basquetourrek eta Arabako Errioxak produktu zikloturistaren sorkuntza eta merkaturatzeari buruzko jardunaldia antolatu dute
Martxoaren 12an, goizez, aurrez-aurre eta doakoa izango den jardunaldia alojamendu- eta zerbitzuetako enpresei zuzendua dago.
Basquetourrek eta Arabako Errioxako Ardoaren Ibilbidea erakundeak produktu zikloturistari beren-beregi eskainitako jardunaldia prestatu dute, martxoaren 12an, goizez, produktuaren sorkuntza eta merkaturatzea nola landu azaltzeko. Hiru helburu nagusi ditu: Zikloturisten profil nagusiak eta bidaiatzeko dauzkaten motibazioak tipifikatzea, beraien premia nagusiei erantzuteko; zerbitzu eta alderdi giltzarriak zehaztea, bai eta hobekuntza-puntuak ere, gure eskaintza produktu zikloturistara egokitzeko eta zuzeneko eta zeharkako merkaturatzerako oinarrizko ekintzak aztertzea.
Horretarako hiru atal egongo dira. Lehenengoan, Basquetourreko Iker Urcelayk testuinguru orokorraz hitzegingo du, Agentziak bultzatzen duen Euskadiko zikloturismoaren ibilbide-orria azalduz. Bigarren atalean Joseba Belokik hitzegingo du Euskadi Cycling proiektuari buruz. Eta hirugarrenean, bi zati izango ditu: bat, eskaintzaren egokitzapenari buruzkoa eta bestea, egungo egoera aztertuko duena.
Jardunaldi hau, iaz, hiriburuetan egindakoaren jarraipena da, enpresen eskaintza, zikloturismoari dagokionez, indartu dezaten.
Izena emateko eta informazio gehiago: Produktu zikloturistaren sorkuntza eta merkaturatzea | Enonocimiento Rioja Alavesa (enoconocimiento.com)
