• SUSTAPEN ETA MERKATURATZE TURISTIKOA
Euskadi Basque Country Confidential EMOTIONS Madrid azokan nabarmentzen da, luxuzko turismoaren nazioarteko hitzordu nagusietako batean
Euskadi Basque Country Confidentialek aste honetan EMOTIONS azokan parte hartu du. Azoka hau Madrilen egin da lehen aldiz, aurreko lau edizioak Sevillan egin ondoren. Horrela, Madrilgo edizioak beste urrats bat izan du nazioarteko luxuzko turismoaren topaketa nagusietako bat bihurtzeko bidean.
Azokan 170 erakusle eta beste hainbeste nazioarteko erosle bildu ziren. Hiru egunez, aurrez antolatutako B2B bilerak egin zituzten, goi-mailako esperientziak eskaintzen dituzten helmugen eta operadoreen arteko harremanak estutzeko. Horrez gain, networking jarduera bereziak antolatu ziren, elkar ezagutza eta harreman profesionalak bultzatzeko.
Euskadik azokako parte-hartzearekin indartu egin zuen luxuzko turismoaren helmuga gisa duen posizionamendua. Tradizioa, berrikuntza eta kalitatea uztartzen dituen eskaintzarekin, interesa piztu zuen Mexiko, Brasil, AEB, Kolonbia edo Kanada bezalako herrialdeetan. Herrialde horietako operadore askok bilerak eskatu zituzten euskal ordezkaritzarekin.
Antolatzaileen esanetan, Euskadik interes handia sortu zuen eta gero eta profesional gehiagok ezagutzen dute dagoeneko helmuga gisa eskaintzen duen balio berezia. Horrela, Euskadik prestigio gero eta handiagoa lortu zuen luxuzko turismoaren esparruan.
Aurtengo edizioan, gainera, azokak bere eremua handitu zuen, eta bi edizio berri iragarri ziren Europan: bata Balear Uharteetan eta bestea Atenasen. Horrek nazioarteko presentzia areagotu eta aukera berriak ireki ditu parte hartzen duten helmugentzat.
