BASQUETOUR

Berlingo ITB azoka aurten ere Euskadiren presentziarekin ospatuko da eta Bilbo-Bizkaia, Donostia eta Arabako Errioxa helmugen eta hamar bat euskal enpresen parte-hartzearekin ere, Alemaniako merkatua nabarmen suspertzen ari den une honetan.

 

Alemaniako merkatuari buruzko 2022ko datuek hazkunde handiak erakusten dituzte bai sarreretan bai gaualdietan ( % 147 eta % 151, hurrenez hurren) aurreko urtearen aldean, % 3,4ko kuotarekin. Zortzigarren postuan dago merkatu igorleen rankingean eta laugarrenean nazioarteko merkatu igorleen rankingean, Frantzia, AEB eta Erresuma Batuaren atzetik.

 

Euskadi, beraz, aurreikuspen onekin dator azoka profesional honetara, hilaren 7tik 9ra bitartean, eta dagoeneko hitzordu ugari hitzartuta daude; izan ere, aurreikusten da aurten merkatu horren portaera hobetu egingo dela.

 

Bisitatzen gaituzten alemaniarrak batez ere Hanburgotik ( % 18), Berlindik ( % 16) eta Bremenetik ( % 15) datoz. Udaberrian eta udan etortzen dira, batez ere irailean. % 55 bikotekidearekin dator, eta % 26 familiarekin. % 24 gazteekin eta adingabeekin bidaiatzen duten familia-taldeak dira.

 

Gehien kostaldeko turismoak ( % 20), hiriko turismoak ( % 17), gastronomiak eta ardoek ( % 15), kultura-turismoak eta ekitaldietakoek ( % 14) eta touringak ( % 13) eragiten dituzte.

 

Merkatu horren batez besteko egonaldia Euskadin 4,1 egunekoa da. % 50ek Euskadiren aurreko eta ondorengo gaualdiak egiten ditu, % 32k dio Euskadi dela bere bidaiaren helmuga bakarra, eta % 17k Euskadiren ostekoak bakarrik. Euskadiko pertsona eta eguneko gastua 139 €-koa da, Euskadira etortzen den turistaren gastuaren batez bestekoa (136 €) baino zertxobait handiagoa.

 

% 21 aurretik egon da Euskadin, eta % 95ek positibotzat jotzen du bisita. % 70ek dio segurtasun osoz gomendatuko lukeela Euskadi helmuga turistiko gisa, eta % 28k dio ziurrenik Euskadira itzuliko direla, eta % 10ek ziurtasun osoz.