• SUSTAPEN ETA MERKATURATZE TURISTIKOA
Euskadi destino premium gisa sustatzen da Txinan, Lushu Webinar bidez
Euskadi Txinako merkatuan helmuga premium gisa kokatzeko ahaleginean, Txinako luxuzko bidaietan espezializatutako bidaia-agentziei zuzendutako bi online prestakuntza-saio egingo dira. Lushu plataformaren bidez antolatutako saio hauek Travel Advisors eta Asiako herrialdearen neurrira egindako bidaietan espezializatutako agentziak erakartzea dute helburu.
Lushuk, 3.000 bezero inguru dituen plataformak, 200 agentzia inguru deituko ditu webinarra jarraitzeko, baina eskaera handia dagoen uneetan, audientzia 300 agentzietara iristea espero da. Ekitaldian, Euskadiko luxuzko esperientzien edukiak eta ideiak aurkeztuko dira, bertako eskaintza gastronomikoa eta kulturala nabarmenduz.
Prestakuntzaz gain, parte-hartzaileak dinamika batean parte hartzera gonbidatuko dira, eta, bertan, erantzun egokiak eman dituzten txinatar agenteak, euskal gastronomiako produktu hautatuen pack batekin sarituko dira. Ekimen honen helburua Travel Advisors-ak Euskadiri buruz heztea, eta erosteko ahalmen handiko bezeroei gomendatzera motibatzea da.
Lushu Txina Kontinentalean nabarmentzen den plataforma bat da, agentziei eduki baliotsua eta esperientzia paregabeak eskaintzen baitizkie munduko hainbat helmugatan. Menbresia-sistema baten bidez, agentziek atzeraelikadura eta iradokizun pertsonalizatuak lortzen dituzte oporretarako ideiak bilatzen dituztenean. Hori dela eta, webinar hau funtsezko aukera da Euskadi Txinako luxuzko turismoaren merkatuan kokatzeko.
