• FORMAKUNTZA
Euskadi Gastronomika jardunaldiak arrakastaz amaitu dira
Euskadi Gastronomika Prestakuntza Jardunaldiak gastronomiaren sektoreko zenbait arlo interesgarri aztertu ditu hainbat saiotan, Basque Culinary Center-ekin lankidetzan eta Eusko Jaurlaritzako Turismo, Merkataritza eta Kontsumo Sailaren antolamenduarekin.
Euskadi Gastronomika enpresa-sareari zuzenduta, jardunaldi hauen helburua berrikuntzari buruz, nahiz joera eta teknika berriei buruz hitz egitea da, sukaldaritza eta arlo komertzialean. Euskadi Gastronomika eta Saretour sareko enpresek eskura izan dituzte, eta hainbat gai landu dituzte, besteak beste, sormena eta menu berezien diseinua, marketin- eta merkaturatze-estrategiak, bezeroarekiko arreta hobetzea eta, azkenik, komunikazioak gastronomia-negozioetarako duen garrantzia.
Gaur amaituko dira jardunaldi horiek, Rafael Tononen eskutik, "Komunikazioak gastronomiako negozioetarako duen garrantzia" izeneko azken saioarekin. Ekitaldi honetan, komunikazio gastronomikoaren gaur egungo egoera aztertu da, eta gai hauek landu dira, besteak beste: komunikazio estrategikoa, diseinu grafikoa eta irudia, eta sare sozialen benetako aprobetxamendua eduki gastronomikoa sustatzeko. Azkenik, komunikazio-plan estrategiko baten kontzeptualizazioa eta helburuen ezarpena.
Jardunaldi hauek oso baliotsuak izan dira Euskadiko gastronomia-komunitatearentzat, sektorean arrakasta lortzeko funtsezko gaiak landu baitira. Eskerrik asko parte hartzaile, hizlari eta laguntzaile guztiei.
