• SUSTAPEN ETA MERKATURATZE TURISTIKOA
Euskadik bere "Confidential" eskaintza sustatzen dihardu Cannesko ILTM azokan
Hilaren 5ean hasi eta bihar, hilak 8, amaituko den ekitaldiak itsas bidaien eta luxuzko bidaien sektoreekin lotutako nazioarteko enpresen berrikuntzak aurkezten ditu.
Eusko Jaurlaritzak, Basquetourren bitartez, itundutako berrogeita hamar bat bilera egin ditu urruneko merkatuekin, hala nola AEBekin, Australiarekin, Kolonbiarekin, Brasilekin eta Txilerekin. Horiek guztiek Euskadi Confidentialek eskaintzen duen moduko helmuga bereziak eta kalitate handikoak eskatzen dituzte.
Canneseko ILTM azokak nazioarteko erosle nagusiak biltzen dituena luxuzko bidaia-esperientziak ezagutu eta ezagutzeko, hitzordu pertsonalizatuen eta networking saioen bidez.
Hilaren 5ean hasi eta bihar arte, hilak 8, mundu osoko 1.800 eragile eta luxuzko bidaia-antolatzaile baino gehiagok parte hartuko dute aurten zortzigarren edizioa ospatzen duen azokarako aurrez programatutako hitzordu ugarietan.
Eusko Jaurlaritzak, Basquetourren bitartez, berrogeita hamar bat hitzordu hitzartu ditu egunotan, batez ere urruneko merkatuekin, hala nola AEBekin, Kanadarekin, Australiarekin eta premium bidaien eskariari dagokionez sortzen ari diren merkatuekin, hala nola Kolonbia, Brasil eta Txilerekin. Helmuga bereziak eta kalitate handikoak eskatzen dituzten merkatuak dira, Euskadi Confidentialek eskaintzen duena kasu. Hitzorduetan dauden agentzien eta turoperadoreen profila erosteko ahalmen oso handiko bezeroak dituzten eta helmuga berriak eta kalitate handikoak bilatzen dituzten enpresena da: familiak eta talde txikiak, gastronomia, ardoak eta turismo kulturala protagonista diren bidaiak eskatzen dituzten berezoak dituztenak, hain zuzen ere. Eta, 2019az geroztik, nabarmen handitu da Euskadirekiko interesa eta gure helmugaren ezagutza.
