• SUSTAPEN ETA MERKATURATZE TURISTIKOA
Euskadik "high-end" helmuga gisa sendotu da merkatu txinatarrean, agentzia espezializatuekin egindako bigarren webinarraren ostean
Atzo bigarren prestakuntza-webinarrak ospatu zen, Txinako turismo-sektoreko bidaia-agentziei eta "travel advisors" espezializatuei zuzendua. Helburua, Euskadi kalitatezko helmuga gisa kokatzea izan da merkatu honetan.
Lushu plataformaren bidez egin zen saioa, eta harrera bikaina izan zuen, Txina kontinentaleko bidaia pertsonalizatuetan espezializatutako 200 bidaia-agentzia bilduz.
Oraingo honetan, webinarraren ardatza naturako turismoa eta Euskadin topa daitezkeen esperientzia bereziak aurkeztea izan da, ibilbide tradizionaletatik aldenduz. Saioaren amaieran, partaideei zuzendutako kultur keinua eta opari gisa, 20 txapela eta 20 txakolin botila zozketatu ziren quiz interaktibo batean.
3.000 bidaia-agentzia eta bidaia pertsonalizatuen diseinuan adituak diren “travel advisors” biltzen dituen Lushu plataforma aliatu estrategikoa izan da Euskadirentzat, Txinako luxuzko bidaien merkatuan duen presentzia zabalari esker.
Estatu mailan, Txinako turistek batez beste 3.106 euro gastatu zituzten iaz, EFEk emandako datuen arabera. 2023ko lehen seihilekoan, berriz, 135.715 txinatar bisitari iritsi ziren Espainiara, guztira 421,5 milioi euroko gastua eginez. Hau %420 eta %590 arteko hazkundea izan da 2022ko urtarrila-ekaina epearekin alderatuta, Txinan “covid zero” politikaren ondoren ezarritako murrizketen amaierari esker.
Euskadin ere emaitzak baikorrak dira: 2024ko irailera arte, eskualdeak 12.007 txinatar turista jaso ditu, aurreko urteko epe bereko datuekin alderatuta %17,7ko hazkundea izanik. Etengabeko bisita igoera honek Euskadiren erakargarritasuna indartzen du kalitate handiko helmuga gisa, eta txinatar turisten interes handia sendotzen du, gure paisaia eta kultura bakarrak ezagutzeko.
