BASQUETOUR

Euskal Kostaldearen turismo-kudeaketa integrala izango da, Ourensen gaur eta bihar ospatuko den “Congreso Ibérico de Turismo deportivo” ekitaldiaren lehen edizioan aurkeztuko den praktika egokietako bat. Basquetour-en aurkezpena bihar izango da, hain zuzen, eta horretan, euskal jostaldeko turismoaren zuzenbide plana, ezinbesteko lankidetza publiko-pribatua eta, batez ere, ia 100 euskal erakunde eta turismo-enpresa barneratzen dituen “SurfingEuskadi” klubean egiten den surf-turismoaren garapena azalduko dira.

Kongresua lehen aldiz ospatzen da eta Sportur-Galicia, kirol eta turismo aktiboaren azokaren inguruan ospatzen da. 300 pertsonatik gora espero dira eta bere helburua Estatuko eta nazioarteko helmuga eta ereduetako kasu arrakastatsuak ezagutzera ematea da, beste erakunde batzuek ere bete ahal ditzaten. Kirola eta turismoaren arteko sinergiak ikusiko dira eta arlo bietako erakunde eta pertsonentzat aukerak eta ideiak sortuko dira.

Bere aldetik, “Salón del Deporte y Turismo Activo” azokak ehunen bat partaide izango ditu eta 60 ekintzatik gorako egitaraua, besteak beste, erakusketa, entrenamendu, lehiaketa eta tailerrak.

Expourensetik adierazi dutenez, kirolak Estatuan 13.800 euroko sarrerak sortzen ditu eta bisitari atzerritarren hiru motibazio nagusien artean dago; beraz, helmugen desberdintzerako eta euren garapen ekonomikorako aukera bat da.