BASQUETOUR

Turismoaren Mundu Erakundeak (TME) eta Basque Culinary Center-ek (BCC) batera antolatu dute TMEren Turismo Gastronomikoaren Munduko 5. Foroa, 2019ko maiatzaren 2tik 3ra Donostian egingo dena. Foroak instituzio hauen babesa du: Espainiako lndustria, Merkataritza eta Turismo Ministerioa, Eusko Jaurlaritzako Turismo Saila, Gipuzkoako Foru Aldundia eta Donostiako Udala, hain zuzen ere 2015eko lehenengo ediziotik bi urtean behin Foro honi harrera egiten dion hiria.

Foroaren eduki nagusiak eta helburuak prentsaurreko batean aurkeztu ziren TMEren egoitzan, erakunde horretako Idazkari Nagusi Zurab Pololikashvili, Espainiako Turismoko Estatu Idazkari Isabel Oliver, eta Basque Culinary Center-eko (BCC) Zuzendari Joxe Mari Aizega buru zirela. Haiekin batera izan ziren Eusko Jaurlaritzako Turismo eta Merkataritzako sailburuorde Isabel Muela, Kultura, Turismo, Gazteria eta Kiroleko diputatu Denis Itxaso, eta Donostiako Udaleko alkateorde Ernesto Gasco, nazioarteko ekitaldi hori gauzatzeko funtsezko bazkideen izenean.

TMEren Turismo Gastronomikoaren Munduko Foroak eta Basque Culinary Center-ek esperientzien trukea sustatzen dihardute turismoan eta gastronomian aditu direnen artean, eta jardun egokiak identifikatzen dituzte.

5. Foroak etorkizunean turismo gastronomikoak behar izango dituen trebetasunak eta ezagutzak izango ditu aztergai, eta arreta berezia jarriko du gastronomian bidaiatzeko motibazio nagusienetako bat den aldetik.

Gainera, Foroak aztertu egingo du turismo gastronomikoaren ahalmena talde desfaboratuak hobeto integratzea lortzeko eta lan-ingurunearen kalitatea hobetzeko.Sektorearen arazo nagusietako batzuei, besteak beste generoaren araberako soldata ezberdintasuna, ezinduen enplegua, gazteen langabezia eta urtaroko izatearen arazoa bezalakoei, aurre egitea da.

Ekintzailetza eta garapen jasangarria

Foroan ezagutzera emango da Promperuren laguntzarekin bultzatutako Turismo Gastronomikoaren start-ups deritzonen Munduko 1. Lehiaketaren irabazlea. Orain arte, deialdiak mundu guztiko 65 naziotako start-ups-ak bildu ditu, denak Garapen Jasangarriaren Helburuekin duten konpromisuaren inguruan batuta.

Lehian parte hartzeko epea martxoaren 5ean bukatuko da. Irabazlea Culinary Action bizkortzailean partaide izateko aukerarekin sarituko da eta bertan izango ditu mentore baten laguntza, BCC Innovation-eko adituen aholkularitza eta 5.000 euroko laguntza ostatu eta joan-etorriko gastuetarako. Bost finalistak apirilaren 1ean emango dira ezagutzera eta Foroan inbertsoreen aurrean eta Feria Iberoamericana de Gastronomia azokan (Miami, 2019ko maiatzak 9-11) euren proiketua aurkezteko gonbidatuko dituzte.

Informazio gehiago:

• Foroari buruz: http://www2.unwto.org/event/5th-unwto-world-forum-gastronomy-tourism-0
• Turismo Gastronomikoko start-ups-en Munduko Lehiaketari buruz: www.gastronomytourismventures.org