Web gune honek cookieak erabiltzen ditu, propioak eta beste batzurenak. Gure cookien politikari buruz gehiago irakurri dezakezu.

  •   ERAKUNDEEN ARTEKO LANKIDETZA

Itsaslur Bide Berdea sustatzeko hitzarmena sinatu dute Javier Hurtado sailburuak eta Muskizko alkateak

" Muskizerako Lehentasunez Jarduteko Eremuetako (LJE) aktibo turistikoak sustatzeko eta balioztatzeko planean jasotako akordioa sinatu dute Turismo, Merkataritza eta Kontsumoko sailburu Javier Hurtadok eta Muskizko alkate Ainara Leibak. " Hitzarmen hau sinatuta, 400.000 euro bideratuko dira Itsaslur Bide Berdea egokitzeko eta hobetzeko.

1 / 2

Gaur sinatu dute Muskizko Udalak eta Eusko Jaurlaritzako Turismo, Merkataritza eta Kontsumo sailak aktibo turistikoak sustatzeko eta balioztatzeko hitzarmena. Hitzarmena Lehentasunez Jarduteko Eremuetako (LJE) aktibo turistikoen planaren barruan sartzen da. Plan hori Eusko Jaurlaritzaren Berpiztu programaren 6,5 milioiko aparteko ekarpenarekin gauzatuko da.

Muskizen, 400.000 euro bideratuko dira Itsaslur Bide Berdea egokitzera eta hobetzera. Bide honek elkartu egiten ditu itsasertzeko naturatik paseatzeko berezkoa duen erakargarritasuna eta inguruko industria-ondarearen baliabideak, bertako zamalekuak, besteren artean.

Sailburuak gogorarazi duenez, “sailetik industria-memoriaren aldeko apustu hori babestu nahi dugu, baita bide berdeekin duen lotura eta horiek zaintzeko udalerriek egiten duten lana ere. Bide berdeak berreskuratzeak, bultzatzeak eta sustatzeak garrantzi handia du Euskadiko turismo-jasangarritasunaren estrategiaren barruan. Bide berdeak irisgarritasunaren, mugikortasun jasangarriaren eta gure industria-memoriaren berreskurapenaren adibide dira, baita beren inguruan zerbitzuak eta enpresak sortzeko aukera bat ere”.

 

 

Abendua 2021

AL AR AZ OG OR LR IG
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31