• ENFOKATUR -ENPLEGUA-
2025eko bigarren hiruhilekoan gora egin du enpleguak Euskadiko turismo-industrian
113.590 pertsona afiliatu turismo-jardueretan, Gizarte Segurantzan alta emanda dauden guztien %11,1
2025eko bigarren hiruhilekoan, Euskadiko turismo-industrian Gizarte Segurantzan afiliatutako pertsonen kopuruak gora egin du. Guztira, 113.590 pertsona afiliatu ziren sektoreko jardueretan, hau da, %11,1 Gizarte Segurantzan alta emanda dauden guztien artean. Datu horrek %1,6ko hazkundea adierazten du 2024ko bigarren hiruhilekoarekin alderatuta.
Turismoarekin lotutako jardueren multzoak euskal ekonomia orokorra baino portaera hobea izan du, azken horrek %0,9ko hazkundea izan baitu epe berean. Soldatapekoen afiliazioak %2,1 hazi dira, eta autonomoenak %0,4 jaitsi.
Jarduera-adarren arabera, ostalaritzan 889 afiliatu gehiago izan dira (%1,7ko hazkundea), beste turismo-jardueretan 924 gehiago (%2,4), eta bidaia-agentzietan 26 gehiago (%1,2).
Turismoarekin lotura zuzenagoa duten jarduerak —ostalaritza eta bidaia-agentziak— sektoreko enplegu osoaren %64,6 dira. Afiliatuen kopurua 72.519tik 73.434ra igo da urtebetean (%1,3ko hazkundea).
Lurralde historikoen arabera, enpleguaren banaketa honakoa izan da:
- Bizkaia: %49,3
- Gipuzkoa: %37,1
- Araba: %13,6
Hazkundea lurralde guztietan izan da:
- Bizkaia: +325 afiliatu
- Gipuzkoa: +500 afiliatu
- Araba: +90 afiliatu
Generoaren araberako banaketa ere azpimarratzekoa da: ostalaritzan eta bidaia-agentzietan afiliazioen %58 eta %72 emakumeenak dira, hurrenez hurren. Autonomoen kasuan, gizonen afiliazioak nagusi dira emakumeen aldean.
