•
Barnetegi Teknologikoa: Adimen Artifiziala turismo-sektoreko marketinean
Izen-ematea zabalik dago Basquetour Learning plataformaren bidez.
Basquetour, Turismoaren Euskal Agentziak, Barnetegi Teknologikoaren edizio berri bat antolatuko du irailean. Turismo-sektoreko marketinari aplikatutako Adimen Artifiziala ardatz duen aurrez aurreko prestakuntza-jardunaldia izango da.
Trebakuntza honen helburu nagusia parte-hartzaileei Adimen Artifizialak marketin digitalean eskaintzen dituen aukerak sakon ulertzeko gaitasuna ematea da, bereziki turismo-sektoreko enpresentzat.
Ikastaroan zehar, parte-hartzaileek ikasiko dute nola hobetu daitezkeen Adimen Artifizialaren bidez marketin-estrategiak turismoaren esparruan. Halaber, norberaren negozioan IAren abantailez baliatzeko gaitasun praktikoak garatuko dituzte.
Barnetegi Teknologikoan parte hartu nahi dutenek Basquetour Learning webgunean aurki dezakete programari buruzko informazio zehatza, eta izen-ematea bertan egin dezakete.
