• TURISMOAREN MUNDUKO ERAKUNDEA
Basquetour Turismoaren Munduko Erakundearen 25. Batzar Nagusian
Agentziako zuzendariak, Daniel Solanak, 16tik 20ra bitartean Uzbekistango Samarcanda hirian egingo den ekitaldi honetan parte hartzen du.
Batzarraren esparruan, kide afiliatuen osoko bilkura egin zen astelehenean, eta Euskadik "Basque Country Tourism Code of Ethics" ekimena aurkeztu zuen, OMTren laguntza duena eta 2024-2025 lan-programan sartu dena.
Astelehenean hasi zen Turismoaren Munduko Erakundearen Batzar Nagusiaren 25. edizioa, hilaren 20ra arte Uzbekistango Samarcandan egiten dena. Daniel Solana Basquetourreko zuzendariak parte hartu du batzar horretan, eta lehen egunean afiliatuen osoko bilkura egin zen. Bertan, Euskadik "Euskal Turismoaren Kode Etikoa" ekimena aurkeztu zuen, kide afiliatuen 2024-2025erako lan-programaren barruan, eta OMTren laguntzarekin gauzatuko da.
Bilkura "Turismoa sustatuz lankidetza publiko-pribatuaren bidez" lelopean egin zen, kideen afiliazioaren egoera eztabaidatzeko, aurreko bilkuratik lortutako emaitza nagusiak eztabaidatzeko, hedapen-estrategiaren bilakaera aztertzeko eta etorkizuneko proiektuetarako informazioa eta proposamenak partekatzeko. Gainera, ibilbide luzeko afiliatuak aintzatesteko sari-banaketa egin zen, eta kudeaketa interaktiboagoa eta dinamikoagoa egiteko plataforma berri bat aurkeztu zen.
Batzar Nagusiak ostiralera arte jarraituko du, besteak beste, gai ezberdinei buruzko hitzaldiekin.
