• TURISMO GASTRONOMIKOA
Basquetourrek, aurten ere, Basque Culinary Center-en turismo gastronomikoaren masterrean parte hartuko du
Gaur goizean, aipatutako masterreko ikasleekin Euskadik turismo-produktu hau garatzeko sustatzeko eta finkatzeko duen estrategia partekatuko du.
Gaur goizean, Euskal Turismo Agentziak turismo gastronomikoaren arloan duen estrategia partekatuko du Basque Culinary Centerreko (BCC) turismo gastronomikoko masterreko ikasleekin.
Topaketa MIMOn (“Mimo Bite the Experience”) izango da, gastronomiaz gozatzeko pentsatutako gunean, Donostiako Maria Cristina Hotelaren eraikinean.
Irantzu Hijazo, Basquetourren produktu turistiko hau kudeatzen duen teknikariak, Euskadiko turismo gastronomikoaren garapenaren ibilbidea, kezkak eta ontasunak azalduko dizkie ikasleei. Baita Euskadi Gastronomika sarearen garrantzia ere, kalitate-baldintza batzuk betetzen dituzten euskal enpresekin produktu integral eta koordinatua egin eta sustatzeko.
Topaketan nabarmendu beharreko beste alderdietako bat turismo gastronomikoa intereseko hainbat merkatutan sustatzeko estrategia da.
BCCk turismo gastronomikoan espezializatzeko programa hau ematen du, helmugek eta enpresek modalitate horretan adituak behar dituztelako, produktu eta esperientzia enogastronomiko sortzaile eta berritzaileak diseinatzeko gaitasun egokiekin, helburuko merkatuetan kokatuta, turista gastronomikoaren profil desberdinekin harreman arrakastatsuak eta iraunkorrak sortzeko.
Gastronomia beti izan da turismoaren parte eta, argi eta garbi, erakarpen eta bereizketa faktore bat da. Gastronomiarekiko kezkak mahaiaren esparrua gainditu du eta balio-kateko beste elementu batzuetara zabaldu da: merkatuak, upategiak, nekazaritzako elikagaien industriak, lonjak, gune gastronomiko berriak, denda espezializatuak, sukaldaritza-gelak, etab. Gainera, gastronomiak erabateko potentziala du turismo-eredu jasangarria garatzen laguntzeko.
