• ESPAÑA VERDE
"España Verde"ko Ekoturismo Korridorearen proiektuak lehen urratsak eman ditu
Gaur eta bihar, euskal enpresak ekimenaren parte izan daitezen aktibatzeko jardunaldiak egiten ari dira Euskadin.
Proiektuak 938.000 euroko aurrekontua du, eta hura osatzen duten lau autonomia-erkidegoek kudeatuko dute (Galizia, Asturias, Kantabria eta Euskadi).
2023ko abenduan aurkeztu eta abiarazi zen "España Verde”ko Ekoturismo Korridorea" proiektua urtarrilean hasi da lehen urratsak ematen aktibazio jardunaldien antolaketarekin.
Proiektuak 938.000 euroko aurrekontu orokorra du, eta proiektuan parte hartzen duten lau autonomia-erkidegoek kudeatuko dute (Galizia, Asturias, Kantabria eta Euskadi).
Ekimen honen helburu nagusiak dira ekoturismoaren esparruan garapen jasangarriarekin konprometitutako eragileen sare finkatu bat abiaraztea eta ekimen honetan txertatuko diren proiektuak eta baliabideak sortzea. Turismo-enpresentzako ekoturismoari eta iraunkortasunari buruzko prestakuntzaren eta ziurtapenaren bidez, estandar altuak ezartzea bilatuko da, ingurune naturala zaintzen eta turismo-praktika arduratsuak sustatzen laguntzeko.
Aktibazio jardunaldiak gaur eta bihar ospatuko dira (osteguna 11 eta ostirala 12). Euskal enpresek, ekoturismoko nodo berrietan lan egiten dutenek (Gorbeiako Parke Naturala, Izki eta Valderejo), ekimen honetan parte hartzeko aukera izango dute. Lehen saioa, Gorbeiakoa, Murgian egingo da gaur, eta bertan izango dira jarduera gune horretan lan egiten duten 20 enpresa. Bigarren jardunaldia, Izkiko Parke Naturalekoa, Koadrilaren egoitzan egingo da, Santikurutze Kanpezun, eta 8 enpresak hartuko dute parte jardunaldian. Azkenik, Valderejoko Parke Naturala aktibatzeko jardunaldia bihar, ostirala, egingo da Erriberabeitiko udaletxean. Nodo honetan 15 enpresa inguruk hartuko dute parte.
Saioetan parte hartzen dute Basquetourrek, ekimena sustatzen duen erakunde turistiko gisa; Arabako Foru Aldundiak, babestutako 3 naturguneen kudeatzaile gisa; ADR Gorbeialde; Gorbeiako, Arabako Mendialdeko eta Añanako kuadrillek, lankidetza turistikoko erakunde gisa, hiru lurraldeetan proiektua bultzatzeko eginkizuna baitute; eta Espainiako Ekoturismo Klubak, aktibazio-jardunaldiaren prestatzaile gisa.
Proiektuak hurrengo hilabeteetan jarraituko du fase berriekin. Adibidez, ekoturismoko esperientziak sortuz, parte hartzen duten enpresek diseinatuko dituztenak eta ekoturismoan interesa duten turistek erosi ahal izango dituztenak
