• KONEKTIBITATEA
Euskadi, beste urtebetez, "Routes Europe"-n
Eusko Jaurlaritzako Turismo eta Garraio Sailak, 3 euskal aireportuak sustatzeko 3 sozietateekin batera, elkarlanean ari dira Bergenen (Norvegia) egiten den aireko konektibitate-ekitaldi honetan.
Eusko Jaurlaritzako Turismo, Merkataritza eta Kontsumo Sailak eta Lurralde Plangintza, Etxebizitza eta Garraio Sailak eta EAEko aireportuak sustatzeko 3 sozietateek (Bilbao Air, VIA eta Ortzibia) parte hartuko dute gaurtik hilaren 20ra arte Bergengo (Norvegia) “Routes Europe”-n.
Ekitaldi hori erreferentea da Europa mailako aire-konektibitatearen sektorean, eta Basquetour aurten ere hara joango da. Euskadi “Routes Europe”-en egoitza izan zen 2018an.
“Routes”-era joateko helburu nagusia Basque Country marka finkatzea eta helmugaren konektibitatea hobetzea da, euskal aireportuen osagarritasuna azpimarratuz, baita 3 aireportuak sustatzeko sozietateekin lankidetzan aritzea ere.
Ekitaldira aire-konpainiak, helmuga turistikoak, aireportuak eta sektoreko beste enpresa batzuk joaten dira.
