BASQUETOUR

Turismo, Merkataritza eta Kontsumoko sailburu Javier Hurtadok Turespañaren III. Konbentzioa inauguratu du Donostian, “La transformación sostenible del turismo patrimonial” izenburupean. Sailburuak gogorarazi duenez, “ekonomiarentzat zailak diren une hauetan turismoa oso motor ekonomiko garrantzitsua bihurtzen ari da. Eta ez da hazkunde inkrementalista hutsa bakarrik, garrantzitsuena orain nola hazten garen baita”.

Sailburuak aztertu du, lehenik eta behin, modu desestazionalizatuan hazten ari garela. “Urteko lehen 9 hilabeteetan, eta iraileko zenbait daturen faltan, % 9,5 hazi gara 2022koaren aldean, urte horretan baikara turismoa suspertzen liderrak. Hazkundea % 15ekoa da urtarriletik ekainera, baina % 2,8koa soilik uztaila, abuztua eta iraila hartzen baditugu. Bigarrenik, nazioarteko turismoa handitu dugu, egonaldiaren luzapenean, desestazionalizazioan eta fluxuen mugimenduan gehien laguntzen duena. Hala, turismo horren alde egin dugu 2023an, promozio-ahalegin handia eginez, eta zifrek ziurtatu dute. Nazioarteko turismoa % 16,7 hazi da, eta nazionala, berriz, % 3,8. Baina, gainera, Euskadin lehenengo aldiz 5 hilabetez jarraian, maiatzetik irailera, nazioarteko turismoak nazionala gainditzen du. Behin bakarrik gertatu zen hori sail historikoan, 2019ko irailean. Eta hirugarrenik, hazkundea lurralde osoan zehar ikusten da, baita tradizioz hain turistikoak ez diren lekuetan ere”.

Ildo horretan, azpimarratu du lanean jarraitu behar dela jasangarritasunean oinarritzen den eredu bat bultzatzeko, hiru alderdietan: ingurumenekoa, soziokulturala eta ekonomikoa. Izan ere, “funtsezkoa da tokiko garapenean eragina izatea eta udalerri guztietara iristea”.

“Euskadin, turismoaren bidezko eraldaketa-palanka hori izaten ari gara eta horregatik, hain zuzen, ohore bat da Turespañak gu aukeratu izana lelotzat turismoa modu jasangarrian eraldatzea duen konbentzio baten egoitza izateko. Gero eta jasangarriagoa eta lehiakorragoa den helmuga baterantz jarraitzen dugu, non desestazionalizaziorantz eta fluxuen mugimenduarantz jotzen ari garen. Eta hori lortu badugu, Euskadiko Turismoaren Kode Etikoan islatzen den gobernantza-eredu baten aldeko apustuari esker izan da. Eredu hori ezartzen aitzindariak izan ginen, Turismoaren Mundu Erakundeak bermatuta. Dagoeneko 620 euskal enpresa baino gehiagok sinatu dute kode hori, Euskadiko lehiakortasun eta jasangarritasun turistikoa sustatzeko ahaleginak batzen jarraitzeko” esanez amaitu du.