• FORMAKUNTZA
Basquetourrek Enpresa Turistiko Adimenduna arauaren erredakzioan parte hartzen dihardu
Arauak irizpideak zehaztuko ditu turismo-erakundeek, enpresek eta zerbitzuek adimena euren kudeaketan txerta dezaten.
Gaur egun helmugen badute honetarako euren beren-beregiko metodologia; HTA-Helmuga Turistiko Adimendunak deritzona et, honezkero, Euskadiko hiriburuek eta eskualdeek lantzen dutena.
Basquetourrek parte hartzen dihardu UN 178510 Turismo-Enpresa Adimenduna-TEA arauaren erredakzioan lanean ari den Normalizaziorako Batzorde Teknikoan, helmugen kasuan Helmuga Turistiko Adimendunak-HTA metodologiarekin egin zen bezala, turismo-erakundeek, enpresek eta zerbitzuek adimen turistikoaren ekosisteman sartzeko eta euren eraldaketa digitala eta jasangarriaren protagonistak izateko irizpideak izan ditzaten.
Arau horrek planteatzen du eraldaketa hori enpresan adimena txertatzearen bidez egituratzea, gobernantzari, berrikuntzari, teknologiari, irisgarritasunari eta iraunkortasunari buruzko alderdiak kontuan hartzen dituen kudeaketa-sistema baten bidez aplikatuta, helmuga turistikoetan aplikatzeko metodologiarekin paralelismoa erakutsiz.
Arau honetako betekizunak eta gomendioak ezarriz, TEAk bost ardatz horiek txertatuko ditu bere kudeaketan eta jardunean, enpresak ezarritako beste lehentasun batzuekin batera.
Basquetourrek hasieratik parte hartzen du arau honen definizioan, Turismoko Estatu Idazkaritzako (SETUR), Turismoko Berrikuntza eta Teknologiak Kudeatzeko Estatuko Merkataritza Sozietateko (Segittur), Espainiako Normalizazio Elkarteko (UNE), beste autonomia-erkidego batzuetako teknikariekin eta intereseko enpresa-elkarteekin batera, besteak beste.
