BASQUETOUR

Canal Cocina eta Story Produccionesek ekoitzitako “El Camino de Santiago by Julius” programak, Euskadiren eta Kantauri itsasoko gainerako EE.AAren laguntzarekin, sari garrantzitsuenetako bi jaso zituen, bidaietako telebista-saio onenarena eta sukaldari onenarena, telesail batean, joan den astelehen gauean Los Angeleseko (Kalifornia) Writers Guild Theater-en ospatutako Taste Awards sarien 14. galan.

Bidaia, gastronomia, moda eta lifestyle programetako Oscars izenez ezagutzen dira Taste Award-ak, eta munduko 50 herrialde baino gehiagoko formatuen arteko bikaintasuna saritzen dute.

Lehen aldia da Taste Awards sarietako 14 urteetan espainiar batek telebista saio batean sukaldari onenaren saria eskuratu duela. Julius Bienert, beraz, izen handiko chef- aurkezleen zerrendan sartu da, besteak beste, Gordom Ramsey, Antonie Bourdain eta Andrew Zimmern.

“El Camino de Santiago by Julius” ere irabazi zuen zeremoniako beste sari handi bat: bidaia-programa onena. Formatua nazioartean emititutako beste 13 programari gailendu zitzaien, eta sari ospetsu hori irabazi zuen espainierazko lehen programa ere izan zen.

“EL CAMINO DE SANTIAGO BY JULIUS”, TRADIZIO GASTRONOMIKOAREN BILA EGINDAKO BIDAIA.

Bi denboraldi besterik ez ditu “El camino de Santiago by Julius” programak eta Hollywood eta hispaniar hiztunak konkistatzea lortu du. Donejakue bideko herriak zeharkatzen ditu programak, denboraren poderioz bizirik iraun duten errezeta tradizionalen bila. Euskadin, besteak beste, Irun, Donostia, Zarautz, Deba, Markina-Xemein, Bilbo, Portugalete eta Arabako errezeta tipikoak bildu zituen programak.

Formatua Amc Networks Southern Europe-k ekoitzi du, Story Produccionesekin lankidetzan, eta 2021etik aurrera emititzen da Canal Cocina (Espainia) eta El Gourmet (Latinoamerika) kateetan.

Informazio gehiago:

http://www.thetasteawards.com/14th-annual-taste-awards-nominees-finalists-and-honorees/