• ESKANDINAVIAKO MERKATUA
Eusko Jaurlaritza Eskandinaviako industria turistikoaren negozio-topaketa nagusian izango da
" "PATA Worldwide Workshop" gaur eta bihar ospatuko da Danimarkako Aarhus eta Kopenhage hirietan.
Danimarka da Eskandinaviako B2B bidaia-topaketa nagusia gaur eta bihar ospatuko den tokia eta bertan izango da Eusko Jaurlaritzaren Turismo saila, Basquetour-en bidez.
“PATA Worldwide Workshop” 16. urtez jarraian Aarhus eta Kopenhagen antolatuko da eta Danimarkako eta Suediako hegoaldeko industria turistikoaren aisialdia, MICE, handizkariak, turismo-eragileak eta negozio-bidaien agentzietako 200 erosle inguru bilduko ditu.
Basquetour-ek Euskadi ordezkartuz parte hartuko du Basque Destination DMC handizkariarekin batera eta, eskaintza orokorraz ezeze, gastronomia eta “The Basque Roue” touring-eko eskaintzari buruzko informazioa emango du.
Danimarkako merkatua 2011tik %100tik gora hazi da Euskadin eta 2018tik 10.120 sarrera eta 22.141 gaualdi (%10 eta %24ko hazkundeekin, hurrenenez hurren, 2017arekin alderatuta) zenbatu ziren euskal hoteletan. Honez gain, aurtengo lehen bederatzi hilabeteek hazkundearen joerarekin jarraitu dute, sarreratan %15 eta gauldietan %34ko igoerekin, iazko epe berdinarekin konparatuz.
Euskadik Danimarkarekin hegaldi zuzenak ez dituen arren, konexio onak daude Europako hiri nagusiekin. Eta udan, gainera, Miarritzetik hegaldi zuzenak daude.
