BASQUETOUR

Bidaia Donostian hasten da, munduko gastronomiaren hiriburu gisa ezaguna den hirian. Han, pintxoen ohiturari jarraituta, tabernaz taberna ibiltzen da eta betiko errezetak eta berrikuntzak uztartzen dituzten pintxoak probatzen ditu. Sukaldari eta herritarrekin hitz egiten du, jatearen inguruko zaletasunaz eta tradizioaz. Gainera, gastronomia-elkarte batera sartzen da, non lagunek eta senideek elkarrekin sukaldatzen eta mahaia partekatzen duten; euskal kulturaren parte garrantzitsua.

Ondoren, Oriora doa, Joxe Mari erretegian bisigua parrillan dastatzera, eta Getariara, txakolinaren eta arrain freskoaren herrira, non Elkano jatetxe ospetsuan kokotxak eta txangurro jaten dituen. Axpen, Etxebarri jatetxean ere jaten du, munduko onenetako bat, non brasaren teknikarekin egindako platerak produktuaren zaporea azpimarratzen duen. Zapiain sagardotegian ere egoten da, sagardoaren tradizioa ezagutzen, giro berezi eta atseginean.

Atal honek erakusten du Euskal Herrian jatea bizitzaren parte dela: elkar topatzeko modua eta nortasunaren adierazle. Somebody Feed Phil dagoeneko ikusgai dago Netflixen: https://www.netflix.com/es/title/80146601?trackId=268410292&fromWatch=true