• LEHIAKORTASUNA
Turismo, Merkataritza eta Kontsumo Sailak Basquetourrekin batera Euskadi Turismo Kode Etikoari atxikitako enpresei aintzatesteko ekimena ospatu dute.
Gaur Gasteizko Europar Jauregian egin da Euskadi Kode Etikoaren parte diren enpresen eta entitateen ziurtagiriak ematea. Ekimen hau urtero ospatzen da. Dena dela, edizio honetan bi berrikuntza egon dira. Alde batetik, NBE Turismoko Munduko Etika batzordeko kideak egon dira. Batzorde honek atzo euren 33. topaketa ospatu zuen Gasteizen bertan. Beste aldetik, Euskadiko Kode Etikoko birdefinizioa dela eta kode etikoko printzipioak 8 izateari 6ra pasatu dute. Horregatik emanaldi honetan, hasieratik Kode Etikoari atxikitako enpresa guztiek, 765 alegia, euren ziurtagiria berritu dute.
Ekitaldiari Javier Hurtado Turismo, Merkataritza eta Kontsumoko sailburuak eman zion hasiera, eta enpresa eta entitate ziurtatuek Kode Etikoaren prestakuntzan eta konpromisoan egindako ahalegina goraipatu zuen. Hurtadoren hitzetan “pertsonen arteko elkartrukean oinarritutako edozein jarduerak lotura estua izan behar du beti etikarekin, eta turismoa herrialdeen eta lekuen arteko esperientzia- trukea da. Horrek bultzatu du Euskadi etiko eta jasangarri turismo-eredu baten aldera egitera”. Eredu iraunkor errentagarri eta berritzailea, onurak komunitatean eragiten dituena.
Halaber, Daniela Otero Turismoaren Etikaren Munduko Batzordeko bitarteko presidenteak gorazarre hitzak egin zizkien Kode Etikoari atxikitako euskal turismo-enpresei, Eusko Jaurlaritzako Turismo, Merkataritza eta Kontsumo Sailari eta Basquetour-ri. Oterok azpimarratu zuen eragin inspiratzailea eta biderkatzailea duela 765 erakundek (Arabako 164k, Bizkaiko 306k eta Gipuzkoako 266k) Euskadiko Turismoaren Kode Etikoa sinatzea erabaki izanak.
Euskadik, jarraitu du Oterok, erakutsi du turismo jasangarri eta arduratsua lortzeko arlo publiko eta pribatuen arteko harreman osasuntsu bat, bai nazio edo nazioarteko maila, ezartzea bide bakarra dela. Bertaratutakoen artean, aldundietako eta udaletako ordezkari instituzionalak, enpresa eta baliabide turistiko ugari eta tokiko eta eskualdeko garapen turistikoko agentzien arduradunak izan dira. Hain zuzen ere, Turismo Enpresa Adimendunaren bereizgarria duen Gorlizko Turismo Informazioko Bulegoa izan zen bertan. Mundu mailan adimendun gisa akreditutako lehen erakundea da.
Euskadiko Kode Etikoaren jatorria eta bilakaera
Euskadiko Turismoaren Kode Etikoa duela 5 urte sortu zen, NBE Turismoaren Munduko Kode Etikoak inspiratuta. Metodologia barneratu eta finkatu den ibilbide honen ondoren, beste urrats bat eman da publiko guztientzako prozesu atsegin eta errazena egiteko helburuarekin. Gainera, 8 printzipio izatetik 6 izatera igaro dira: elkarrekiko errespetua, berdintasuna aniztasunean, ingurumenaren iraunkortasuna, tokiko nortasuna, tradizioa eta kultura, Gizateriaren Kultura Ondarea eta gure sektorearen eta profesionalen bikaintasuna.
Bilakaera hori irudikatzeko, Basquetour Turismoaren Euskal Agentziak turismo-erakundeen eskura jarri dituen baliabideak erakutsi dira, hala nola Basquetour learning edo Turista Arduratsuaren Gida. Ekitaldia Turismo Sailak turismo arduratsuari buruz sustatutako azken kanpainen proiekzioarekin amaitu da.
