• Berezko turismo-produktua garatzea, Euskal gastronomia-kulturaren eta bizimoduaren potentzial guztiari lotutakoa, barne hartuta gastronomiarekin zerikusia duten agente guztiak, jatorritik (ekoizleak) mahairaino (sukaldariak, saltokiak).
• Helmuga guztien garapen sozioekonomikoa laguntzen duten turismo-produktuak sortzea. Bertako ekonomia eta lurralde-oreka sustatu behar dute, eta turismo-eskaria desestazionalizatzea lortu, urte osoan bidaiatzeko argudioen bitartez.
• Lehen eta bigarren mailako sektoreetarako aukera ekonomiko berriak sortzea, sare osoak jarduera berritzaileak eta bereziak garatzea sustatuta, Euskadik helmuga enogastronomiko gisa duen posizionamenduari laguntzeko.
• Turismo gastronomikoarekin lotutako produktuen eta zerbitzuen kalitatea eta lehiakortasuna handitzea, bisitariak esperientzia pozgarria izan dezan, hau da, helmugara itzultzen laguntzeko.
• Gastronomiak eragindako fluxu turistiko handiagoak erakartzea, eta osagarri gastronomiko bikaina ematea bestelako arrazoien ondorioz hautatzen gaituzten publikoei.
• Euskadiko turismo enogastronomikoa sustatzea baterako marka baten barruan: Euskadi Gastronomika, eta turistek hobeto ezagutzea euskal turismo enogastronomikoaren produktua.
• Enpresa-lankidetzako sarea sortzea, oinarri hartuta Euskadiko produktu turistiko gastronomikoaren jarduera, kudeaketa eta sustapenerako baterako estrategiak.
• Sareko kide izateko sistema ezartzea, oinarri hartuta helmugako eskaintza enogastronomikoa osatzen duten enpresek dituzten balioak, zerbitzuen kalitatea eta negozioaren jasangarritasuna hobetzeko.

Arrazoi asko daude enpresa batek Euskadi Gastronomika sareko kide izan nahi izateko. Besteak beste, honako arrazoi hauek nabarmentzen ditugu:

• Babes eta laguntza tekniko aditua izatea turismo gastronomikoaren produktua edo zerbitzua hobetzeko, sarean sartu ahal izateko.
• Euskadi Gastronomika marka edukita enpresaren posizionamendua eta irudia hobetzea. Izan ere, markak euskal kultura gastronomikoa nabarmentzen du eta elementu bereizgarria da.
• Enpresaren lehiakortasuna hobetzea, Euskadi Gastronomika sareko enpresekin prestakuntza-ekintzetan eta networking-topaketetan parte hartuta.
• Sustapena ON (weba, sare sozialak, marketin digitala eta abar) eta OFF line (liburuxkak, azokak, topaketa profesionalak, bidaia-agenteak eta abar) euskarrien bitartez. Basquetour agentziak eta Eusko Jaurlaritzak diseinatu eta argitaratzen ditu turista gastronomikoentzat.
• Sustapen-ekintzetan parte hartzea, hala nola azoka eta ekitaldi gastronomikoetan.
• Turismo enogastronomikoaren sareko beste agente batzuekin ezagutza partekatzea, haiekin batera produktu edo eskaintza askoz erakargarri eta lehiakorragoa sustatzeko.

Euskadi Gastronomika sarean hiru agente taldek parte har dezakete:

1. Euskadiko enpresek, gehienbat turismora bideratutakoek eta tipologia hauetakoren batekoak direnek:

• Nekazaritzako elikagaien industria eta ekoizle bisitagarriak
• Jardueren eta gidarien enpresek eta agentzia espezializatuak
• Ostatu gastronomikoak
• Jatetxe-arloko eremuak
• Merkatuak eta saltoki gastronomiko espezializatuak

2. Turismoaren eta gastronomiaren munduko laguntzaile estrategikoak

3. Euskadiko helmugen erakunde kudeatzaileak