o Euskadi MICE helmuga lehiakor gisa bultzatzea Estatuko eta nazioarteko esparruan.

Sektorea bultzatzen dogu

MICE

Bilerak, Pizgarriak, Konferentziak eta Erakusketak

MICE

MICE (Meetings, Incentives, Conferences & Exhibitions) produktuak Euskadiko turismo- eta zerbitzu-eskaintza elkartzen du; hain zuzen ere, bilera, biltzar, azoka, pizgarri eta ekitaldi korporatiboen antolaketan espezializatutako eskaintza.

Zer helburu ditu?

Euskadi MICE helmuga lehiakor gisa bultzatzea Estatuko eta nazioarteko esparruan.
Lurraldean eragin ekonomiko, sozial eta kultural positiboa sortzen duten ekitaldi profesionalak erakartzea.
Bertako enpresa-ehuna dinamizatzea, eta turismo-, teknologia- eta kultura-zerbitzuen enpresak MICE sektorearekin lotzea.
Jasangarritasuna eta berrikuntza sustatzea eta ekitaldien antolaketan jardunbide arduratsuak sartzea.

Zer onura dakartza?

Ekonomikoak: MICE ekitaldiek batez besteko gastu handiagoa sortzen dute oporren turismoak baino, eta hori onuragarria da bertako hotel, jatetxe, hornitzaile eta saltokientzat.
Irudia eta posizionamendua: indartzen dute Euskadi nazioartean ikus dadin lurralde moderno, berritzaile eta abegitsu modura.
Sozialak eta kulturalak: errazten dute ezagutza trukatzea, talentua erakartzea eta lanbide-sareak sortzea.
Jasangarritasuna: jardunbide egokiak ezartzea eta erakustea ahalbidetzen dute, Euskadi ekitaldiak antolatzeko helmuga arduratsutzat har dadin.

Nork parte har dezake proiektuan?

Enpresa turistikoek: ostatuek, agentzia hartzaileek, biltzarren antolatzaile profesionalek (BAP), azoka-esparruek eta biltzar-zentroek.
Erakunde publikoek eta elkarte sektorialek, ekitaldiak hartzea eta laguntzea bultzatzen dutenak.

Laguntzarik behar duzu?

Jar zaitez harremanetan gure lantaldearekin

Alameda Urquijo 36, 5ª Planta. 48011 Bilbao