Industria eta Turismo Ministerioak sustatutako Anfitriones. Formación y Talento Turístico proiektuak Ikaskuntza Sistema Globalaren edizio berria jarri du abian. Egitasmo horren barruan, turismoaren arloko profesionalei, enpresei eta turismo-helmugei zuzendutako formakuntzak  eskaintzen dira.

Euskadin, Eusko Jaurlaritzako Turismo, Merkataritza eta Kontsumo Sailak, Basquetourren bidez, baliabide horietarako sarbidea errazten dio sektoreari. Izan ere, Basquetour Learning plataformak Basquetourren prestakuntza-programak eta euskal turismo-sektoreko profesionalen garapenerako interesgarriak diren beste ekimen batzuk biltzen ditu.

Anfitriones programaren prestakuntza-eskaintza hiru campus  espezializatutan dago egituratuta:

• Campus Irekia: turismo-sektoreko profesionalei zuzenduta dago, eta etengabeko prestakuntza eta gaitasunen garapena ditu ardatz.
• HTA Campusa: Helmuga Turistiko Adimendunen Sareko kide titularrei zuzenduta dago, eta DTI metodologian nahiz turismo-helmugen kudeaketaren hobekuntzan ardaztutako edukiak eskaintzen ditu.
• SICTED Campusa: programa horretan parte hartzen duten profesionalei eta erakundeei zuzenduta dago, eta kalitateari, jasangarritasunari eta etengabeko hobekuntzari buruzko prestakuntza espezializatua biltzen du.

 Prestakuntza-eskaintza hau doakoa da, eta izena emateko epea zabalik dago iada. Interesdunek Basquetour Learning plataforman kontsulta ditzakete eskuragarri dauden formakuntzak.